پی اے ایف مجاہدانورخان سکواش اکیڈمی کاافتتاح جمعہ کو ہوگا

راولپنڈی(سپورٹس رپورٹر)پی اے ایف مجاہدانورخان سکواش اکیڈمی کاافتتاح 18ستمبر بروزجمعہ بینظیربھٹو سکواش کمپلیکس لیاقت باغ راولپنڈی میں ہوگا۔ راولپنڈی ڈویژن سکواش ایسوسی ایشن کے جنرل سیکرٹری چوہدری نعیم انور نے بتایاکہ پاک فضائیہ کے سربراہ ایئرچیف مارشل مجاہدانورخان کے نام پرقائم ہونے والی اس پہلی اکیڈمی کاافتتاح پاکستان سکواش فیڈریشن کے سنیئرنائب صدر ایئرمارشل عامر مسعودکریں گے

جبکہ اس موقع پر راولپنڈی ڈویژن سکواش ایسوسی ایشن کے صدرعامروحید،ڈائریکٹرسکواش اکیڈمیز ایئر کموڈور (ر) آفتاب صادق قریشی ، ڈسٹرکٹ سپورٹس آفیسرشمس توحیدعباسی،پاکستان سکواش فیڈریشن کے دیگرعہدیداران، انتظامیہ کے افسران، کھلاڑی وآفیشلز خصوصی شرکت کریں گے۔