فرنچ اوپن ٹینس ٹورنامنٹ سائمونا ہیلپ فیورٹ قرار

پیرس(سپورٹس لنک رپورٹ)کورونا وائرس کے باعث ری شیڈول فرنچ اوپن ٹینس ٹورنامنٹ کا آغاز ہو چکا ہے اور خواتین مقابلوں میں دفاعی چیمپئن ایشلے بارٹی اور حال ہی میں یو ایس اوپن کی فاتح نومی اوساکا کی غیر موجودگی میں اٹالین اوپن جیت کر فرنچ اوپن پہنچنے والی سائمونا ہیلپ کو فیورٹ قرار دیا جا رہا ہے

تاہم سرینا ولیمز جو فرنچ اوپن میں اپنا 24 واں ریکارڈ گرینڈ سلام اعزاز جیتنے کیلئے آئی ہیں کو سائمونا ہیلپ کیلئے بڑا خطرہ قرار دیا جا رہا ہے، سرینا ولیمز 2002،2013 اور 2015 میں فرنچ اوپن کا اعزاز جیت چکی ہیں تاہم انہیں 2016 کے فائنل میں شکست کا سامنا کرنا پڑا تھا۔