ویمنز ٹی ٹوئنٹی انٹرنیشنل میں پاکستانی کھلاڑی ندا ڈار نے ایک اور اعزاز اپنے نام کر لیا

پاکستان کی کپتان ندا ڈار ویمنز ٹی ٹوئنٹی انٹرنیشنل میں سب سے زیادہ 137 وکٹیں حاصل کرنے والی بولر بن گئیں۔

ندا ڈار نے آسٹریلیا کی میگن شوٹ کی 136 وکٹوں کا ریکارڈ اپنے نام کرلیا۔

انگلینڈ ویمنز نے پاکستان ویمنز کو دوسرے ٹی ٹوئنٹی انٹرنیشنل میں 65رنز سے ہرادیا۔

تین میچوں کی سیریز میں انگلینڈ ویمنز کو دو صفر کی سبقت حاصل ہوگئی۔

انگلینڈ ویمنز کے 144 رنز 6 کھلاڑی آؤٹ کے جواب میں پاکستان ویمنز صرف 79 رنز بناکر آؤٹ ہوگئی۔

انگلینڈ ویمن کرکٹ ٹیم کے خلاف سیریز کے دوسرے میچ میں پاکستان قومی ویمن کرکٹ ٹیم کی کپتان ندا ڈار نے بین الاقوامی ٹی ٹوئنٹی کرکٹ میں سب سے زیادہ وکٹیں حاصل کرنے کا اعزاز حاصل کیا۔

پاکستان کی کپتان ندا نارتھمپٹن میں انگلینڈ کے خلاف کھیلے گئے میچ میں ویمنز ٹی ٹوئنٹی انٹرنیشنل میں سب سے زیادہ 137 وکٹیں حاصل کرنے والی باؤلر بن گئیں۔

قومی ویمن کرکٹ ٹیم کی کپتان نے 137 ویں وکٹ حاصل کرنے کے بعد آسٹریلیا کی میگن شوٹ کی 136 وکٹوں کا ریکارڈ توڑدیا۔

واضح رہے کہ انگلینڈ کی ویمنز ٹیم نے پاکستان کو 65 رنز سے شکست دی، انگلینڈ کی ویمن ٹیم نے چھ وکٹوں کے نقصان پر 144 رنز بنائے۔ پاکستان ویمن کرکٹ ٹیم 79 رنز پر ہمت ہار گئی، اس طرح پاکستان کو 65 رنز سے شکست کا سامنا کرنا پڑا۔