کھلاڑیوں کے میرٹ پر انتخاب کیلئے نیا نظام متعارف

پاکستان اسپورٹس بورڈ نے کھلاڑیوں کے میرٹ پر انتخاب کیلئے نیا نظام متعارف کروا دیا۔

پی ایس بی کی جانب سے جاری بیان کے مطابق تمام فیڈریشنز کو این او سی کی درخواست دیتے وقت کھلاڑی پروفائل پرفارمہ جمع کرانا ہو گا، پرفارمہ میں منتخب کھلاڑیوں کی کامیابیوں اور قابلیت کی تفصیلات شامل ہوں گیں۔

پی ایس بی نے واضح کیا ہے کہ کھیل فیڈریشنز کو اس بات کی تصدیق کرنی ہو گی کھلاڑیوں کا انتخاب میرٹ پر کیا گیا

اور فیڈریشنز کے نامزد کردہ کھلاڑیوں کی فہرست ویب سائٹ پر لگادی جائےگی۔ پاکستان اسپورٹس بورڈ کا کہنا ہے کہ اس قدام کامقصدشفافیت کو یقینی بنانا ہے۔