انٹرنیشنل کرکٹ کونسل (آئی سی سی) نے 2027 کے ون ڈے کرکٹ ورلڈکپ کے وینیوز کا اعلان کر دیا ہے۔
ٹورنامنٹ کی میزبانی جنوبی افریقا، زمبابوے اور نمیبیا مشترکہ طور پر کریں گے، یہ ورلڈکپ اکتوبر اور نومبر 2027 کے دوران منعقد ہوگا۔
ورلڈکپ کے مجموعی طورپر54 میچز کھیلے جائیں گے جن میں سے 44 میچز جنوبی افریقا کے مختلف شہروں میں ہوں گے، جب کہ زمبابوے اور نمیبیا میں بالترتیب 10 میچز شیڈول کیے گئے ہیں۔
یہ پہلا موقع ہے کہ نمیبیا کرکٹ ورلڈکپ کی میزبانی کرے گا جبکہ زمبابوے اس سے قبل 2003 میں بھی شریک میزبان رہ چکا ہے، جنوبی افریقا کو 2003 کے بعد ایک مرتبہ پھرورلڈکپ میزبانی کا موقع ملا ہے۔
شائقینِ کرکٹ اس تاریخی ٹورنامنٹ کا بےصبری سے انتظار کر رہے ہیں جس میں دنیا کی بہترین ٹیمیں ایک بار پھر عالمی ٹائٹل کے لیے پنجہ آزمائی کریں گی۔
