کیرون پولارڈ نے ٹی 20 کرکٹ میں 14 ہزار رنز مکمل کرلیے
ویسٹ انڈین آل راؤنڈر کیرون پولارڈ نے ٹی ٹونٹی کرکٹ میں کئی اہم سنگ میل عبور کرلئے تفصیلات کے مطابق کیرون پولارڈ نے گزشتہ روز کیریبیئن پریمیئر لیگ میں ٹرنباگو نائٹ رائیڈرز کی نمائندگی کرتے ہوئے ٹی ٹونٹی کرکٹ میں 14 ہزار رنز مکمل کیے۔
وہ کرس گیل کے بعد ٹی ٹونٹی کرکٹ میں 14 ہزار رنز بنانے والے دوسرے بلے باز ہیں۔ کیرون پولارڈ ٹی ٹونٹی کرکٹ میں 14 ہزار سے زائد رنز اور 300 سے زائد وکٹیں حاصل کرنے والے پہلے کھلاڑی بن گئے ہیں۔
انہوں نے ٹرنباگو نائٹ رائیڈرز کی جانب سے کھیلی جانے والی 19 رنز کی اننگز کے دوران ایک چھکا بھی لگایا۔
اس طرح کیرون پولارڈ سی پی ایل کی تاریخ میں سب سے زیادہ چھکے لگانے والے بلے باز بن گئے۔ اس سے قبل ایون لوئس 203 چھکوں کے ساتھ سرفہرست تھے۔
