ویمنز ون ڈے رینکنگ، نشرہ سندھو پہلی بار ٹاپ 10 باؤلرز میں شامل
دبئی: انٹرنیشنل کرکٹ کونسل (آئی سی سی) نے ویمنز ون ڈے رینکنگ جاری کر دی جس کے تحت پاکستان کی نشرہ سندھو پہلی بار ٹاپ 10 باؤلرز میں شامل ہو گئی ہیں۔
آئی سی سی کی جانب سے جاری کردہ ویمنز ون ڈے رینکنگ کے مطابق پاکستانی کھلاڑیوں کی رینکنگ میں معمولی ردوبدل دیکھنے میں آیا ہے، بیٹرز میں سے بھارت کی سمرتی مندھانا پہلے نمبر پر برقرار ہیں جبکہ آسٹریلیا کی ایشلے گارڈنر دوسرے نمبر پر ہیں۔
جنوبی افریقہ کی لاؤرا وولورٹ تیسرے نمبر پر موجود ہیں، پاکستان کی سدرہ امین ایک درجہ تنزلی کے بعد بارہویں نمبر پر چلی گئی ہیں،
اس کے علاوہ باؤلرز کی فہرست میں انگلینڈ کی سوفی ایکلسٹن کا پہلا نمبر برقرار ہے۔ بولرز کی فہرست میں انگلینڈ کی سوفی ایکلسٹن بدستور نمبر ون پوزیشن پر براجمان ہیں۔
آسٹریلیا کی الانا کنگ نے شاندار کارکردگی کے باعث 5 درجے ترقی حاصل کرتے ہوئے دوسری پوزیشن سنبھال لی ہے۔
