چھ ملکی ہاکی ٹورنامنٹ کے انعقاد کیلئے پاکستان کو این او سی جاری

اسلام آباد(سپورٹس لنک رپورٹ)ایشین ہاکی فیڈریشن نے چھ ملکی ہاکی ٹورنامنٹ کے پاکستان میں انعقادکیلئے این او سی جاری کردیا۔ اے ایچ ایف کے مطابق پاکستان ہاکی فیڈریشن نے تحریری طور پر آگاہ کیاکہ موجودہ حکومت اور قانون نافذ کرنے والے اداروں کی کوششوں سے ملک میں امن وامان کی صورت حال میں نمایاں بہتری آگئی ہے اور گزشتہ دنوں پاکستان سپر لیگ، فٹ بال، اسکواش اور دیگر انٹرنیشنل ایونٹس کا انعقاد ممکن ہوچکا ہے لہٰذا انٹرنیشنل ہاکی کیلئے این او سی جاری کیا جائے ۔ایشین ہاکی فیڈریشن کے ایونٹ ڈائریکٹر نے کہا کہ پاکستان میں انٹرنیشنل ایونٹس کیلئے ہر ممکن تعاون کیا جائے گا جبکہ ریفریزاور ٹیکنیکل سپورٹ بھی فراہم کی جائے گی۔