ابوظہبی T10 میں ریکارڈز کی بارش، زمان خان کی ہیٹ ٹرک نے دھوم مچا دی
ابوظہبی : ابو ظہبی T10 کے 2025 ایڈیشن میں شاندار کارکردگیوں اور نئے سنگِ میل کا سلسلہ جاری ہے، جہاں اجمان ٹائٹنز کے فاسٹ بولر زمان خان نے نادرن واریرز کے خلاف ہیٹ ٹرک کر کے ایونٹ کو نئی سنسنی بخشی ہے۔
وہ اس فارمیٹ میں ہیٹ ٹرک کرنے والے چند منتخب بولرز میں شامل ہو گئے ہیں۔
ٹورنامنٹ میں 15 ممالک کے 145 کھلاڑی شریک ہیں، جن میں متحدہ عرب امارات، انگلینڈ، ویسٹ انڈیز اور پاکستان کی نمایاں نمائندگی ہے۔
بیٹنگ میں تیز ترین 12 گیندوں پر نصف سنچری کا ریکارڈ اب بھی محمد شہزاد، کرس گیل اور محمد وسیم جونیئر کے پاس ہے۔ رنز کی دوڑ میں ٹام کولر–کڈمور، نکولس پوران اور روومن پاول سرفہرست ہیں جبکہ چھکوں کے اعتبار سے پوران 131 چھکوں کے ساتھ سب پر بھاری ہیں۔
بولنگ میں ڈیوائن براوو 39 وکٹوں کے ساتھ نمایاں ہیں، جبکہ نوین الحق اور قیس احمد بھی ٹاپ تین میں شامل ہیں۔
ٹائٹل جیتنے میں ڈیکن گلیڈی ایٹرز تین بار کی چیمپیئن ٹیم ہے،
جبکہ نادرن واریرز دو مرتبہ فاتح رہ چکی ہے۔ ایونٹ کے آگے بڑھنے کے ساتھ مزید ریکارڈز اور سنسنی خیز مقابلوں کی توقع کی جا رہی ہے۔
