آل پاکستان انٹر یونیورسٹی ویمنز ہینڈ بال چیمپئن شپ پشاور میں شروع ہوگئی
پشاور(سپورٹس لنک رپورٹ) ڈائریکٹوریٹ آف سپورٹس پشاور یونیورسٹی کے زیر اہتمام اور ہائر ایجوکیشن کمیشن کے تعاون سے انٹر یونیورسٹی ویمنز ہینڈ بال چیمپئن شپ گزشتہ روز پشاور کے جناح کالج گراﺅنڈ پر شروع ہوگئی
جناح کالج برائے خواتین کی پرنسپل پروفیسر ڈاکٹر گل ناز ارشد نے باقاعدہ طور پر فیتہ کاٹ کر مقابلوں کا افتتاح کیا ان کے ہمراہ ڈائریکٹر سپورٹس (ویمنز) مس چمن گل‘ ڈائریکٹر سپورٹس پشاور یونیورسٹی بحرکرم خان‘ہیڈ آف ڈیپارٹمنٹ سپورٹس گورنمنٹ کالج پشاور ارشد حسین‘ ڈائریکٹر سپورٹس شہید بے نظیر بھٹو یونیورسٹی مس ماریہ ثمین ‘احسن خان سمیت دیگر شخصیات موجود تھیں‘
مقابلوں میں ملک بھر سے چودہ یونیورسٹیوں کی ٹیمیں شرکت کررہی ہیں جس میں میزبان پشاور یونیورسٹی کے علاوہ عبدالولی خان یونیورسٹی مردان‘ سپر یئیر یونیورسٹی لاہور‘یونیورسٹی آف ویٹرنری اینڈ اینمیل سائنسز لاہور‘ یونیورسٹی آف فیصل آباد‘ یونیورسٹی آف انجنیئرنگ اینڈ ٹیکنالوجی پشاور‘ یونیورسٹی آف مینجمنٹ اینڈ ٹیکنالوجی لاہور‘
یونیورسٹی آف لاہور‘ شہید بے نظیر بھٹو یونیورسٹی پشاور‘لاہور کالج فار ویمن یونیورسٹی لاہور‘ یونیورسٹی آف پنجاب لاہور‘ گورنمنٹ کالج ویمن یونیورسٹی سیالکوٹ‘گیریژن یونیورسٹی لاہور‘ گورمنٹ کالج یونیورسٹی لاہورشامل ہیں‘
پہلے میچ میں پنجاب یونیورسٹی لاہور کی ٹیم نے یونیورسٹی آف لاہور کو 19-0 جبکہ دوسرے یکطرفہ مقابلے میں لاہور کالج آف ویمن یونیورسٹی نے عبدالولی خان یونیورسٹی مردان کی ٹیم کو 18-0 سے شکست دے دی۔
