کیریئر کا آخری ٹیسٹ کھلینے والے عثمان خواجہ کو شائقین کا زبردست خراج تحسین
پاکستانی نژاد آسٹریلوی کرکٹر عثمان خواجہ کو ممکنہ طور پر اپنے آخری میچ میں شائقین کی جانب سے شاندار خراجِ تحسین پیش کیا گیا۔
سڈنی میں کھیلے جانے والے ایشیز سیریز کے آخری ٹیسٹ کے تیسرے روز عثمان خواجہ نے اپنے کیریئر کی ممکنہ آخری اننگز کھیلی۔ جب وہ بیٹنگ کے لیے میدان میں آئے تو شائقین اپنی نشستوں سے کھڑے ہو گئے اور تالیاں بجا کر ان کا بھرپور استقبال کیا۔
ٹیسٹ کرکٹ میں 16 سنچریوں اور 28 نصف سنچریوں کی بدولت 6 ہزار سے زائد رنز بنانے والے عثمان خواجہ اس میچ میں یادگار اننگز کھیلنے میں کامیاب نہ ہو سکے اور 17 رنز بنا کر آؤٹ ہو گئے۔
ان کی آؤٹ ہونے کے بعد بھی سڈنی کرکٹ گراؤنڈ تالیوں کی گونج سے بھر گیا، جو شائقین کی جانب سے ان کے شاندار کیریئر کے اعتراف کا اظہار تھا۔
