احسان مانی کرکٹ بورڈ کے بلامقابلہ چیئرمین منتخب

Mr. Ehsan Mani has been elected Chairman PCB by the Board of Governors (BoG.) Mr. Mani was elected unopposed in the BoG meeting convened at the Gaddafi Stadium, Lahore today for a period of three years. pic.twitter.com/Bd893OwN1L

— Pakistan Cricket (@TheRealPCB) September 4, 2018

لاہور(سپورٹس لنک رپورٹ) احسان مانی پاکستان کرکٹ بورڈ کے بلامقابلہ چیئرمین منتخب ہوگئے۔پی سی بی ہیڈکوارٹر میں آج نئے چیئرمین کا انتخاب عمل میں لایا جانا تھا تاہم احسان مانی کے مقابلے میں کسی امیدوار نے کاغذات نامزدگی جمع نہیں کرائے جس کے بعد وہ بلامقابلہ چیئرمین منتخب ہوگئے۔پی سی بی کے قانون کے مطابق احسان مانی آئندہ 3 برس تک چیئرمین پی سی بی کی حیثیت سے خدمات انجام دیں گے۔اس سے قبل کرکٹ کے پیٹرن ان چیف وزیراعظم عمران خان نے سابق چیئرمین نجم سیٹھی کے استعفے کے بعد احسان مانی کو کرکٹ بورڈ کا نیا چیئرمین نامزد کیا تھا تاہم بعدازاں غلطی کا احسان ہونے کے بعد انہیں گورننگ باڈی کا ممبر بناتے ہوئے نوٹی فکیشن جاری کیا گیا۔یاد رہے کہ پاکستان کرکٹ بورڈ کے گورننگ بورڈ کے ممبرز کی تعداد 10 ہے جس میں دو براہ راست وزیراعظم یعنی پی سی بی کا پیٹرن مقرر کرتا ہے جب کہ دیگر 8 ریجنز اور ڈپارٹمنٹ کی جانب سے منتخب ہوکر بورڈ کا حصہ بنتے ہیں۔چیئرمین پی سی بی کا انتخاب گورننگ بورڈ کے ممبران اپنے ووٹ کے ذریعے کرتے ہیں۔یاد رہے کہ احسان مانی انٹرنیشنل کرکٹ کونسل ( آئی سی سی ) کے صدر کے عہدے پر بھی خدمات انجام دے چکے ہیں۔