ماحور شہزاد شکست پر برداشت نہ کرسکیں،پٹھان کھلاڑیوں کیخلاف بیان جاری کردیا

ٹوکیو(سپورٹس لنک رپورٹ)ٹوکیو اولمپکس میں وومن سنگلز میں پاکستان کی ٹاپ سیڈ کھلاڑی ماحور شہزاد اپنا دوسرا میچ بھی ہار گئیں جس کے بعد ان کا اولمپکس میں سفر ختم ہوگیا۔ماحور شہزاد کو دوسرے گیم میں بھی 14-21 سے شکست ہوگئی جب کہ میچ میں ماحور کی شکست کا اسکور 14-21 اور 14-21 رہا۔ٹوکیو اولمپکس کے آج ہونے والے خواتین بیڈمنٹن کے میچ میں ماحور شہزاد کا مقابلہ برطانیہ کی کرسٹی گلمور سے تھا۔ماحور شہزاد اس وقت عالمی رینکنگ میں 133 اور کرسٹی گلمور 26 رینک پر براجمان ہیں۔

خیال رہے کہ اس سے قبل بھی ماحور شہزاد خواتین بیڈمنٹن کے سنگلز ایونٹ کے ابتدائی میچ میں بدترین شکست کا سامنا کرچکی ہیں۔خواتین بیڈمنٹن کے سنگلز ایونٹ میں پاکستان کی ماحور شہزاد کو جاپان کی ایکانی یاماگوچی نے3-21 اور 8-21 سے آٹ کلاس کر دیا تھا۔دوسرے میچ میں بھی شکست کے بعد انتہائی غصے کے عالم میں ایک ویڈیو پیغام جاری کیا ہے جس میں اس نے الزام لگایا ہے کہ پٹھان کھلاڑی اس سے حسد کرتے ہیں ، اپنے ویڈیو پیغام میں ان کا کہنا تھا کہ اگر میں یہاں تک پہنچی ہوں تو یہ اللہ کی مہربانی ہے مگر کچھ لوگوں کو خاص طور پر کچھ پٹھان کھلاڑیوں کو ان کی یہ کامیابی ہضم نہیں ہو رہی

ماحور شہزاد اولمپکس سے آئوٹ ہونے پر آئوٹ آف کنٹرول ہو گئیں، پٹھان کھلاڑیوں پر بڑا الزام عائد کردیا#mahoorshahzad,#TokyoOlympics ,#Pathan ,#Badminton ,#Pakistan ,#kristygalmore, pic.twitter.com/a6MN9YOREk

— Mahranikhan (@Mahrani90809546) July 27, 2021

ماحور شہزاد کی جانب سے پٹھان کھلاڑیوں کیخلاف بات کرنے پر سوشل میڈیا پر انہیں شدید تنقید کا نشانہ بھی بنایا جا رہا ہے ماحور شہزاد نے کسی پٹھان کھلاڑی کا نام تو نہیں لیا لیکن اکثر لوگوں کا خیال ہے کہ ان کا اشارہ پلوشہ خان اور مراد علی کی جانب ہے جنہوں نے انہیں وائلڈ کارڈ انٹری دینے پر فیڈریشن کو تنقید کا نشانہ بنایا تھا ، لوگوں کا یہ بھی کہنا ہے کہ ماحور شہزاد شکست کے غصے کی وجہ سے یہ نہیں سمجھ پائیں کہ پلوشہ اور مراد نے انہیں نہیں بلکہ فیڈریشن کو تنقید کا نشانہ بنایا تھا کیونکہ پلوشہ اور مراد علی نے ٹوکیو اولمپکس میں ماحور شہزاد کیلئے نیک خواہشات کا اظہار کیا تھا۔