پنڈی ٹیسٹ، آسڑیلیا کے دو وکٹوں پر 271 رنز، کم روشنی نے کھیل روک دیا

راولپنڈی ٹیسٹ میچ میں پاکستان نے 4 وکٹوں پر 476 رنز بنا کر اننگز ڈیکلیئر کردی جس کے جواب میں آسٹریلیا نے تیسرے روز 2 وکٹوں کے نقصان پر 271 رنز بنا لیے ہیں ۔ راولپنڈی کرکٹ سٹیڈیم میں کھیلے جارہے ٹیسٹ میچ کے تیسرے روز عثمان خواجہ اور ڈیوڈ وارنر نے اننگز کا آغاز کیا اور پہلی وکٹ کے لیے 156 رنز جوڑے جس کے بعد ڈیوڈ وارنر ساجد خان کے ہاتھوں 68 رنز بنانے کے بعد آئوٹ ہوگئے جب کہ عثمان خواجہ بھی 97 رنز بنانے کے بعد نعمان علی کی گیند پر امام الحق کا شکار بنے۔

.مارنس لبسشین اور سٹیو سمتھ نے سکور کو آگے بڑھایا اور جب سکور 271 رنز پہنچا تو خراب روشنی کے باعث میچ روک دیا گیا جو بعد میں بارش کے باعث شروع نہ ہوسکا، یاد رہے کہ میچ کے دوسرے روز بھی آخری سیشن میں خراب روشنی کے باعث کھیل ختم کردیا گیا تھا ۔