.اسلام آباد ( اصغر علی مبارک سے)‘‘پی ٹی سی ایل اور پی سی بی کی مشترکہ کاوشوں سے پاکستان میں بین الاقوامی کرکٹ کی بحالی اور اس کے سنہری دورکی واپسی میں مدد ملی ہے . پاکستان ٹیلی کمیونیکیشن کمپنی لمیٹڈ (پی ٹی سی ایل) پاکستان اورویسٹ انڈیزکے درمیان کھیلی جانے والی ٹی 20انٹر نیشنل سیریز2018 ء کے لیے پاکستانی کرکٹ ٹیم کا شریک اسپانسر ہوگا ۔یہ اعلان پی ٹی سی ایل اور پاکستان کرکٹ بورڈ (پی سی بی) کے سینئر حکام تقریبِ میں کیا گیاچیف کمرشل آفیسر، پی ٹی سی ایل، عدنان شاہد اور چیئرمین، پی سی بی،نجم سیٹھی،نے مشترکہ طور پر کرکٹ ٹیم کی کٹ کی رونمائی کی۔ اس موقع پرای وی پی ،مارکیٹنگ اینڈکمیونیکشن،پی ٹی سی ایل، سید شہزاد شاہ ،پی سی بی اور پی ٹی سی ایل کے دیگر حکام بھی موجود تھے۔ پاکستان میں بین الاقوامی کرکٹ کو واپس لانے کے لئے اپنی مسلسل کوششوں میں پی ٹی سی ایل کا ایک اور قدم اس سیریز میں شریک اسپانسر ہوناہے۔
پاکستان میں کھیلی جانے والی اس سیریز کی دفعہ بھی پی ٹی سی ایل نے آگے بڑھ کراس میں شریک اسپانسر کی حیثیت سے حصہ لیا۔پاکستانی کرکٹ شائقین نے ان دونوں ٹیموں کے مابین مقابلے اپنی سرزمین پر ایک دہائی سے بھی زیادہ عرصے یعنی 2006میں دیکھے تھے۔یہ تین میچوں پر مشتمل سیریز1 سے 3اپریل کو کراچی میں کھیلی جائے گی۔ چیف کمرشل آفیسر، پی ٹی سی ایل، عدنان شاہد ، نے اس موقع پر اپنے خیالات کا اظہار کرتے ہوئے کہا: "پی ایس ایل 3کے چیمپیئن اسلام آباد یونائیٹڈ کی سپورٹ کے بعد اب میں پی ٹی سی ایل کی جانب سے پاکستان کرکٹ ٹیم کے لیے شریک اسپانسر بننے پر پرجوش ہوں ۔
ہمیں فخر ہے کہ پی ٹی سی ایل کا لوگو قومی ٹیم کی جرسی پر نظر آئے گا، امید کرتا ہوں کہ ٹیم اپنی جیت کے تسلسل اور آئی سی سی ٹی ٹوئنٹی رینکنگ میں نمبر 1 پوزیشن کو برقرار رکھے گی۔ قومی کمپنی ہو نے کے ناطے ہم نے ہمیشہ پاکستان میں کھیلوں کی واپسی کے سلسلے میں اپنے تعاون کو نہ صرف کرکٹ بلکہ قومی کھیل ہاکی کے سلسلے میں پی ٹی سی ایل ہاکی کپ 2018 میں بھی اپنا تعاون جاری رکھا ، اور آنے والے وقتوں میں بھی اپنا کردار اد اکرتے رہیں گی”۔
چیئر مین پی سی بی، نجم سیٹھی نے اس موقع پر کہا: ’’ ہمیں یہ دیکھ کربہت خوشی ہے کہ پی ٹی سی ایل، ایک قومی کمپنی ہے، وہ مقامی اور بین الاقوامی کرکٹ دونوں میں ایک اہم کردار ادا کررہی ہے۔ انہوں نے مزید کہا پی سی بی پاکستان میں کرکٹ کے لئے پی ٹی سی ایل کے جاری تعاون کی تعریف کرتا ہے۔ حال ہی میں انہوں نے پاکستان نیوزی لینڈT20I سیریز 2018،ڈس ایبلڈ کرکٹ ٹورنامنٹ 2017او ر, 2018 PSL-3 میں اسلام آبادیونائیٹڈکو اسپانسرکیااوراب ویسٹ انڈیز کے خلاف T20I سیریزمیں بھی شریک اسپانسر کی حیثیت سے اپنا کردار ادا کررہاہے۔
