انٹر ریجنل ہاکی چیمپئن شپ ، پشاور نے چارسدہ کی ٹیم کو ہرا دیا

انٹر ریجنل ہاکی چیمپئن شپ ، پشاور نے چارسدہ کی ٹیم کو ہرا دیا

انٹر ریجنل ہاکی چیمپئن شپ میں پشاور کی ٹیم نے چارسدہ کی ہاکی ٹیم کو ہرا دیا پشاور کے لالہ ایوب ہاکی سٹیڈیم میں کھیلے جانیوالے میچ میں پشاور کی ٹیم نے بہترین کھیل کا مظاہرہ کیا اور کھیل پر پشاورکے کھلاڑی حاوی رہے ،

پشاورکی ٹیم کی طرف سے پہلا گول سمیر نے کیا ، جبکہ دوسرا گول سلمان نے کیا ، اسی طرح سلیم نے مسلسل دو گول کئے جبکہ صلاح الدین ، عماد ، توحید نے بھی ایک ایک گول کیا ،

سلیم اور سمیر نے میچ کے آخری لمحوں میں ایک ایک گول کرکے اپنی ٹیم کو دس صفر سے برتری دلا دی ،

چارسدہ کی ٹیم نے گول کرنے کے متعدد مواقع ضائع کئے اس میچ کے امپائرنگ کے فرائض قیصر اور فرمان نے انجام دئیے جبکہ ٹورنامنٹ ڈائریکٹر وقاص خان تھے ،

انٹر ریجنل چیمپپئن شپ کے موقع پر ریجنل سپورٹس آفیسر پشاور کاشف فرحان ،تحسین اللہ اور ہاکی ایسوسی ایشین کے سید ظاہر شاہ ، ، ہدایت اللہ اور یاسر اسلام بھی موجود تھے.