مردان ڈویژن نے نیشنل باسکٹ بال چیمپئن شپ سی کیٹگری کی ٹرافی اپنے نام کرلی

مردان ڈویژن نے نیشنل باسکٹ بال چیمپئن شپ سی کیٹگری کی ٹرافی اپنے نام کرلی

پشاور(سپورٹس لنک) مردان ڈویژن نے نیشنل باسکٹ بال چیمپئن شپ سی کیٹگری کی ٹرافی اپنے نام کرلی، چیمپئن شپ میں ملک بھر سے آٹھ ٹیموں نے شرکت کی،

فائنل میں مردان ڈویژن نے ڈی آئی خان ڈویژن کو 60 کے مقابلے 68 پوائنٹس سے شکست دی، اس موقع پر اے سی ڈی آئی خان فصیح اسحاق عباسی نے کھلاڑیوں میں انعامات تقسیم کئے ان کے ہمراہ ڈائریکٹر سپورٹس ضم اضلاع رضی اللہ بیٹنی،

پاکستان باسکٹ بال فیڈریشن کے ایکٹنگ جنرل سیکرٹری فقیر محمد، آرگنائزنگ سیکرٹری محمد نعیم خان سمیت دیگر شخصیات موجود تھیں۔

پاکستان باسکٹ بال فیڈریشن کے زیراہتمام نیشنل چیمپئن شپ سی کیٹگری ڈی آئی خان سپورٹس کمپلیکس میں منعقد ہوئی جس میں آٹھ ڈویژن کی ٹیموں نے شرکت کی جن میں بنوں، مردان،ڈی آئی خان، ڈیرہ غازی خان، ساہیوال، بہاوالپور،

حیدآباد، میر پورخاص شامل ہیں۔ چیمپئن شپ کا فائنل مردان ڈویژن اور ڈی آئی خان ڈویژن کے ٹیموں کے درمیان کھیلاگیا جس میں مردان نے68-60 پوائنٹس سے کامیابی حاصل کرکے ٹرافی اپنے نام کرلی۔