مکس مارشل آرٹ آئی ٹی ایف تھری کا ٹائٹل پاکستان نے جیت لیا

مکس مارشل آرٹ آئی ٹی ایف تھری کا ٹائٹل پاکستان نے بھارت کو آٹھ صفر سے شکست دیکر جیت لیا،

بھارت کا ایک بھی فائٹر پاکستانی فائٹرز کے سامنے مذاحمت نہ کر سکا،

نشتر سپورٹس کمپلیکس لاہور میں منعقد ہونے والے مقابلوں میں مجموعی طور پر گیارہ فائٹس ہوئیں، افغانستان کے خلاف ہونے والی تین فائٹس میں پاکستانی فائٹرز کو دو ایک سے شکست کا سامنا کرنا پڑا

جبکہ روایتی حریف بھارت کے فائٹرز کو آل آوٹ کرتے ہوئے تمام آٹھ مقابلوں میں کامیابی اپنے نام کی۔

بینٹم ویٹ ٹائٹل مقابلہ میں پاکستان کے رفیق آفریدی کا بھارت کے پردیپ کو شکست سے دو چار کیا جبکہ فیدر ویٹ ٹائٹل مقابلہ میں پاکستان کے مہموش رضا نے بھارت کے روی سا کو مات دیکر چیمپیئن ہونے کا اعزاز حاصل کیا۔

بھارت کے دیگر مقابلوں میں پاکستانی فائٹرز بلال حسین، حاذق چانڈیو، زاہد خان، اعجاز احمد اور مجاہد بیگ نے بھارتی فائٹرز کے خلاف کامیابی حاصل کی۔ افغانستان کے خلاف ہونے والی تین فائٹس میں پاکستان کے صرف مصف آصف نے کامیابی اپنے نام کی۔