پی ایس ایل 10 کا شاندار اختتام۔چئیرمین پی سی بی محسن نقوی کا اظہار تشکر۔
اللہ تعالٰی کےحضورسربسجود ہیں۔
پی سی بی و پی ایس ایل کی پوری ٹیم کا دن رات محنت پر شکریہ ۔
یہ کامیابی پاک آرمی۔ رینجرز ۔ پولیس اور انتظامیہ کی انتھک محنت کا نتیجہ ہے
سٹیڈیمز آکر میچ دیکھنے اور تینوں فورسز کی بھرپور حوصلہ افزائی پر فیلڈ مارشل سید عاصم منیر۔
ائیر چیف ظہیر احمد بابر اور نیول چیف نوید اشرف کا خصوصی شکریہ ادا کرتا ہوں۔
پی ایس ایل کا کامیابی سے انعقاد پرامن پاکستان کی جیت ہے
راولپنڈی کرکٹ سٹیڈیم کے قریب دشمن کے حملے کے بعد پی ایس ایل 10 کا دوبارہ آغاز بہت بڑا چیلنج تھا۔
پوری ٹیم نے چیلنج قبول کیا اور اللہ تعالٰی نے ہمارا راستہ آسان کیا
لاہور، 26 مئی 2025۔ چئیرمین پاکستان کرکٹ بورڈ محسن نقوی نےپی ایس ایل 10 کے شاندار اختتام تشکر کا اظہار کرتے ہوئے کہا ہے کہ پی ایس ایل 10 کے کامیاب اختتام پر سب سے پہلے اللہ تعالٰی کے حضور سربسجود ہیں۔
انہوں نے کہا کہ پی سی بی و پی ایس ایل کی پوری ٹیم کا دن رات محنت پر دل کی گہرائیوں سے شکریہ ادا کرتا ہوں اور اس میگا ایونٹ کی کامیابی پاک آرمی۔ رینجرز ۔
پولیس اور انتظامیہ کی انتھک محنت کا نتیجہ ہے۔چئیرمین پی سی بی محسن نقوی نے کہا کہ پاک آرمی۔ ائیر فورس اور نیوی کی جرات اور بہادری کو پی ایس ایل 10 کے میچز کے دوران یادگار خراج تحسین پیش کیا گیا۔
سٹیڈیمز آکر میچ دیکھنے اور تینوں فورسز کی بھرپور حوصلہ افزائی پر فیلڈ مارشل سید عاصم منیر۔ ائیر چیف ظہیر احمد بابر اور نیول چیف نوید اشرف کا خصوصی شکریہ ادا کرتا ہوں۔
پی ایس ایل 10 کا کامیابی سے انعقاد پرامن پاکستان کی جیت ہے۔پورے ٹورنامنٹ خصوصا فائنل میچ کے دوران شائقین کرکٹ کے نظم و ضبط اور خوش و خروش کا کوئی جوڑ نہ تھا۔
انہوں نے کہا کہ راولپنڈی کرکٹ سٹیڈیم کے قریب دشمن کے حملے کے بعد پی ایس ایل 10 کا دوبارہ آغاز بہت بڑا چیلنج تھا۔پی ایس ایل 10 کی کامیابی محفوظ پاکستان کی فتح اور بزدل دشمن کی ایک اور محاذ پر شکست ہے۔
پوری ٹیم نے چیلنج کو قبول کیا اور اللہ تعالٰی نے ہمارا راستہ آسان کیا۔
