کاشف خواجہ پاکستان رگبی 7s ٹیم کے قومی کوچ مقرر
لاہور (سپورٹس لنک رپورٹ) پاکستان رگبی یونین وسطی ایشیا جنوبی ایشیا رگبی 7s ٹورنامنٹ کے لیے کاشف خواجہ کی پاکستان رگبی 7s ٹیم کے قومی کوچ کے طور پر تقرری کا اعلان کرتے ہوئے خوشی محسوس کر رہی ہے،
جو مئی کو ازبکستان کے شہر تاشقند میں ہونے والا ہے۔کاشف اپنے ساتھ بطور کھلاڑی اور کوچ دونوں رگبی میں 25 سال سے زیادہ کا تجربہ لے کر آئے ہیں۔ میدان کے اندر اور باہر، کھیل میں ان کا تعاون قابل ستائش رہا ہے۔
پاکستان رگبی یونین نے بھی جہانگیر نواز کو قومی ٹیم کا سٹرینتھ اینڈ کنڈیشننگ کوچ مقرر کرنے کا اعلان کیا ہے۔
جہانگیر ایک دہائی سے زائد عرصے سے پاکستان رگبی یونین کے ساتھ منسلک ہیں اور اس سے قبل وہ سٹرینتھ اینڈ کنڈیشننگ ٹیم کا حصہ رہ چکے ہیں۔پاکستان رگبی یونین دونوں حضرات کے لیے نیک خواہشات کا اظہار کرتی ہے کیونکہ وہ ٹیم کو آئندہ ٹورنامنٹ کے لیے تیار کر رہے ہیں۔
