افغانستان نے 2027 آئی سی سی مینز کرکٹ ورلڈ کپ کے لیے براہِ راست کوالیفائی کر لیا
بارش نے میچ تو روک دیا، لیکن اسی بارش نے افغانستان کو ورلڈ کپ میں پہنچا دیا! آئرلینڈ کے خلاف پہلا ون ڈے ایک گیند پھینکے بغیر منسوخ ہوا اور افغانستان نے 2027 ورلڈ کپ کے لیے براہِ راست کوالیفائی کرلیا،
جبکہ آئرلینڈ کی براہِ راست رسائی کی امیدیں دم توڑ گئیں۔افغانستان نے ایک اور اہم سنگِ میل عبور کرتے ہوئے 2027 آئی سی سی مینز کرکٹ ورلڈ کپ کے لیے براہِ راست کوالیفائی کر لیا ہے۔
آئرلینڈ کے خلاف تین میچوں کی ون ڈے سیریز کا پہلا مقابلہ بارش کے باعث بغیر کسی گیند کے منسوخ ہوا، جس کے بعد افغان ٹیم نے باضابطہ طور پر میگا ایونٹ میں اپنی جگہ یقینی بنا لی۔
آئرلینڈ اور افغانستان کے درمیان تین میچوں پر مشتمل ون ڈے سیریز کا پہلا میچ بارش کے باعث ایک بھی گیند پھینکے بغیر منسوخ کر دیا گیا۔ اس بے نتیجہ مقابلے کے بعد افغانستان نے 2027 آئی سی سی مینز کرکٹ ورلڈ کپ کے لیے براہِ راست کوالیفائی کرنے کا اعزاز حاصل کر لیا۔
آئرلینڈ کے لیے براہِ راست ورلڈ کپ تک رسائی پہلے ہی ایک مشکل مرحلہ تھا۔ آئرش ٹیم کو نہ صرف افغانستان کے خلاف سیریز کے تمام میچز جیتنے کی ضرورت تھی بلکہ دیگر ٹیموں کے نتائج بھی اس کے حق میں آنے لازمی تھے۔
تاہم پہلے ہی میچ کے بارش کی نذر ہونے کے بعد آئرلینڈ کی براہِ راست کوالیفکیشن کی تمام امیدیں ختم ہو گئیں۔
اب آئرلینڈ کو 2027 ورلڈ کپ میں جگہ بنانے کے لیے آئی سی سی کے عالمی کوالیفائر ٹورنامنٹ میں شرکت کرنا ہوگی،جہاں کامیابی کی صورت میں وہ میگا ایونٹ کے لیے کوالیفائی کر سکے گا۔
دوسری جانب افغانستان نے گزشتہ چند برسوں کے دوران ون ڈے کرکٹ میں مسلسل شاندار کارکردگی کا مظاہرہ کرتے ہوئے عالمی کرکٹ میں اپنی مضبوط شناخت قائم کی ہے۔ افغان ٹیم اب صرف اپ سیٹ کرنے والی ٹیم نہیں بلکہ ایک باصلاحیت اور مسابقتی سائیڈ کے طور پر جانی جاتی ہے۔
واضح رہے کہ 2027 آئی سی سی مینز کرکٹ ورلڈ کپ جنوبی افریقہ، زمبابوے اور نمیبیا کی مشترکہ میزبانی میں کھیلا جائے گا، جس میں مجموعی طور پر 14 ٹیمیں حصہ لیں گی۔میزبان جنوبی افریقہ اور زمبابوے پہلے ہی براہِ راست ایونٹ میں جگہ بنا چکے ہیں،
جبکہ بھارت، آسٹریلیا، نیوزی لینڈ، پاکستان، سری لنکا، انگلینڈ، بنگلہ دیش اور اب افغانستان بھی ورلڈ کپ کے لیے کوالیفائی کر چکے ہیں۔ البتہ تیسرا میزبان ملک نمیبیا کو عالمی کپ میں شرکت کے لیے کوالیفائنگ مرحلے سے گزرنا ہوگا۔
افغانستان اب اپنی تمام تر توجہ 2027 ورلڈ کپ کی تیاریوں پر مرکوز کرے گا، جہاں وہ حالیہ برسوں کی عمدہ کارکردگی کو برقرار رکھتے ہوئے ایک بار پھر عالمی سطح پر اپنی صلاحیتوں کا لوہا منوانے کی کوشش کرے گا۔
افغانستان کی براہِ راست کوالیفکیشن اس بات کا ثبوت ہے کہ افغان کرکٹ مسلسل ترقی کی راہ پر گامزن ہے، جبکہ آئرلینڈ کے لیے اب ورلڈ کپ کا سفر عالمی کوالیفائر سے ہو کر گزرے گا۔
