راولپنڈی(سپورٹس لنک رپورٹ)تھانہ صادق آباد پولیس نے حاجی چوک کے علاقے سے بین الاقوامی بکی گرفتارکر لیاراجہ شاہدنامی ملزم بھارت، دبئی اورساؤتھ افریقہ کے بک میکرز سے ملکر کرکٹ میچوں اورگھوڑ وں کی ریس پر کروڑوں کا جواکھیلتا تھا جبکہ پولیس نے ملزم کے خلاف غیر قانونی طور پر رقوم بھی بیرون ممالک منتقل کرنے سے متعلق ثبوت حاصل کر لئے ہیں ملزم کو پولیس کی بھاری نفری نے جمعرات کی سہ پہرچراہ روڈ صادق آباد پر واقع یو بی ایل بلڈنگ کے عقب سے حراست میں لیا گیا جسے تحقیقات کے لئے تھانہ صادق آباد منتقل کر دیا گیا ۔
