اولمپئن ایتھلیٹ عبدالرشید دل کا دورہ پڑنے سے انتقال کر گئے
ان کا انتقال میاں چنوں میں دل کا دورہ پڑنے سے ہوا، اہل خانہ نے تصدیق کردی ہے۔
ان کے کوچز اور ساتھی ایتھلیٹس نے بھی انتقال کی خبر کی تصدیق کی ہے، عبدالرشید نے سیف گیمز 2004 میں پاکستان کی جانب سے گولڈ میڈل جیتا تھا۔
ایتھلیٹ عبدالرشید نے بیجنگ اولمپکس 2008 میں پاکستان کی نمائندگی کی تھی، انہیں 110 میٹر ہرڈلز میں قومی چیمپئن رہنے کا اعزاز بھی حاصل ہے۔
اولمپئن ایتھلیٹ عبدالرشید کی اچانک موت پر جہاں اُن کے اہلخانہ شدت غم سے نڈھال ہیں تو وہیں مداح بھی گہرے دُکھ کا اظہار کررہے ہیں۔
