کینیڈین ٹینس کھلاڑی نے نئی تاریخ رقم کردی

نیویارک (سپورٹس لنک رپورٹ) کینیڈین کھلاڑی بیانکا اینڈریسکو نےیو ایس اوپن جیت کر تاریخ رقم کر دی۔بیانکا اینڈریسکو یو ایس اوپن ٹائنل جیتنے والی پہلی کینیڈین کھلاڑی بن گئی ہے ، بیانکا نے فائنل میں امریکا کی سرینا ولیمز کو اسٹریٹ سیٹس میں شکست سے دوچار کیا ۔

کینیڈا کی بیانکا نے یو ایس اوپن ٹائٹل جیت لیا

نیویارک میں کھیلے گئے یو ایس اوپن کے ویمنز سنگلز فائنل میں 23 گرینڈ سلیم جیتنے والی سرینا ولیمز اور کینیڈا کی 19 سالہ بیانکا اینڈریسکو مد مقابل تھیں ۔بیانکانے ابتدا ہی سے شاندار کھیل پیش کیا، پہلے سیٹ میں سرینا کو آؤٹ کلاس کرتے ہوئے  3-6 سے کامیابی حاصل کی۔دوسرے سیٹ میں سرینا نے بہتر کھیل کا مظاہرہ کیا لیکن بیانکا نے یہ سیٹ بھی  5-7 کے اسکور سے جیت کر نئی تاریخ رقم کر دی ، وہ گرینڈ سلیم ٹائٹل جیتنے والی پہلی کینیڈین کھلاڑی بن گئیں ۔کینیڈین وزیراعظم نے بیانکا کو تاریخی جیت پر مبارکباد دیتے ہوئے کہا کہ پورے ملک کو بیانکا پر فخر ہے۔

0Shares

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*

error: Content is protected !!