پاکستان بلائنڈ کرکٹ ٹیم نے سری لنکا کیخلاف سیریز جیت لی

کولمبو(سپورٹس لنک رپورٹ)پاکستان کی بلائنڈ کرکٹ ٹیم نے تین ایک روزہ میچوں کی سیریز کے دوسرے میچ میں سری لنکا کو 6 وکٹوں سے شکست دے دی۔تفصیلات کے مطابق تین ایک روزہ میچوں کی سیریز کے دوسرے میچ میں پاکستانی بلائنڈ کرکٹ ٹیم نے سری کو شکست دے کر سیریز 0-2 سے اپنے نام کرلی۔

سری لنکا کے کپتان نے ٹاس جیت کر پہلے بیٹنگ کا فیصلہ کیا، میزبان ٹیم نے پاکستان کو جیت کے لیے 338 رنز کا ہدف دیا۔پاکستانی ٹیم نے ہدف 34ویں اوور میں 4 وکٹ کے نقصان پرحاصل کیا، قومی کرکٹ ٹیم کی جانب سے نثار 121 ، راشد 83 رنز کے ساتھ نمایاں رہے۔

پاکستان اور سری لنکا کی بلائنڈ کرکٹ ٹیم کے درمیان سیریز کا آخری میچ 25 فروری کو کھیلا جائے گا۔یاد رہے کہ دو روز قبل پاکستانی بلے باز بدر منیر کی ناقابل شکست اننگز کی بدولت قومی بلائنڈ کرکٹ ٹیم نے سری لنکا کو ہوم گراؤنڈ پر شکست دی تھی۔

سری نے پاکستان کو جیت کے لیے 217 رنز کا ہدف دیا تھا جو قومی کرکٹ ٹیم نے 18.3 اوورز میں 2 وکٹوں کے نقصان پر حاصل کرلیا۔