ملتان سلطانز کا صاحبزادہ فرحان اور صہیب مقصود کو عارضی طور پر ریلیز کرنے کا فیصلہ
ملتان سلطانز نے اوپننگ بیٹر صاحبزادہ فرحان اور بیٹنگ کوچ صہیب مقصود کو چند روز کے لیے ٹیم سے ریلیز کرنے کا فیصلہ کیا ہے۔
ترجمان ملتان سلطانز کے مطابق یہ فیصلہ ریسٹ پیریڈ کے دوران کھلاڑیوں کو آرام اور ذاتی وقت دینے کی پالیسی کے تحت کیا گیا ہے، جس کا مقصد کھلاڑیوں کو ذہنی اور جسمانی طور پر تازہ دم رکھنا ہے۔
ترجمان نے مزید بتایا کہ ٹیم کے مالک گوہر شاہ اور ہیڈ کوچ ٹم پین کی پالیسی کے مطابق اس وقفے کے دوران کھلاڑیوں کو مکمل آزادی حاصل ہوتی ہے تاکہ وہ اپنی تیاری بہتر انداز میں جاری رکھ سکیں۔
واضح رہے کہ پاکستان سپر لیگ میں ملتان سلطانز کا اگلا مقابلہ 13 اپریل کو پشاور زلمی کے خلاف کھیلا جائے گا، جس کے لیے ٹیم جلد دوبارہ اسکواڈ کو جوائن کرے گی۔
