پاکستانی کرکٹ میں ‏تبدیلی آ نہیں رہی، تبدیلی آگئی ہے۔

پاکستانی کرکٹ میں ‏تبدیلی آ نہیں رہی، تبدیلی آگئی ہے۔

اسلام آباد ; ویسٹ انڈیز اور انگلینڈ کے خلاف آئندہ ٹیسٹ سیریز کی تیاریوں کے لیے ریڈ بال کیمپ کا اعلان کیا گیا ہے، جس میں تیز بولرز کے حوالے سے اہم فیصلے سامنے آئے ہیں۔

پی سی بی نے 22 کھلاڑیوں کو ٹیسٹ اور 27 کھلاڑیوں کو ون ڈے اور ٹی ٹوئنٹی کیمپ کے لیے منتخب کیا ہے، وائٹ بال ٹیم کا کیمپ 18 ستمبر جبکہ ریڈ بال کھلاڑیوں کا کیمپ 10 جولائی تک رہے گا۔

دورہ ویسٹ انڈیز کیلئے کیمپ 15 جولائی سے شروع ہونے کا امکان ہے، پی سی بی کے تھنک ٹینک نے ون ڈے ٹیم کے کپتان شاہین آفریدی کو ٹیسٹ ٹیم کے کیمپ میں منتخب نہیں کیا، انہیں وائٹ بال کیمپ کے 27 کھلاڑیوں میں شامل کیا گیا ہے۔

ٹیسٹ سیریز کی تیاری کے لیے کیمپ میں محمد علی، عبید شاہ، ثاقب خان، شاہنواز دھانی، شہزاد گل، محمد عباس اور خرم شہزاد کو شامل کیا گیا ہے۔ اس بار ریڈ بال کیمپ سے دو مایہ ناز اور تجربہ کار فاسٹ بولرز حسن علی اور شاہین شاہ آفریدی کو باہر (Out) کر دیا گیا ہے۔

سچ یہ ہے کہ شاہین آفریدی کافی عرصے سے ریڈ بال کرکٹ میں اپنی پرانی خطرناک فارم سے دور نظر آ رہے ہیں۔ نئی گیند سے وہی سوئنگ، رفتار اور مسلسل دباؤ اب کم دکھائی دیتا ہے، جبکہ اکثر اہم مواقع پر وکٹ لینے میں بھی مشکل پیش آئی۔

بورڈ کو شاہین آفریدی کے حوالے سے شدید تحفظات ہیں کہ وہ فرسٹ کلاس کرکٹ نہیں کھیلتے اور چار دن کی کرکٹ کھیلے بغیر ٹیسٹ کرکٹ میں ان کی باؤلنگ میں بہتری کے امکان کم ہیں۔

ایک وقت تھا جب بیٹرز شاہین کے پہلے اسپیل سے ہی دباؤ میں آ جاتے تھے، مگر اب ایسا لگتا ہے کہ وہ زیادہ تر صرف نام پر کھیل رہے ہیں، پرفارمنس پر نہیں۔ اگر ڈومیسٹک میں پرفارم کرنے والے نوجوان باؤلرز کو موقع نہیں ملے گا تو پھر کب ملے گا؟

یہ تبدیلیاں ظاہر کرتی ہیں کہ پی سی بی آنے والی اہم ٹیسٹ سیریز کے لیے نئے اور دیگر فارم میں موجود تیز بولرز کو آزمانے کی حکمت عملی پر کام کر رہا ہے۔

یاد رھے کہ شاہین آفریدی نے اپنے آخری 16 ٹیسٹ میچز میں 60 کھلاڑیوں کو آؤٹ کر چکے ہیں۔