شعیب اختر اور سیواگ کا ٹاکرا،مگر کہاں؟تفصیلات اس دلچسپ رپورٹ میں

اسلام آباد(سپورٹس لنک رپورٹ)کرکٹ ونٹر گیم تو نہیں لیکن ستاروں کی کہکشاں برفیلے میدانوں پر کرکٹ کا میلہ سجانے سوئیٹزر لینڈ پہنچ گئی، جہاں 1800 فٹ کی بلندی پر شعیب اختر اور سہواگ کا ٹاکرا آج ہوگا۔

کرکٹ اب برفیلے چٹانوں پر بھی کھیلی جائےگی، سوئزرلینڈ کے شہر سینٹ موریٹز میں کرکٹ کے عالمی ستارے 8 اور 9 فروری کو ایکشن میں نظر آئیں گے۔

شاہد آفریدی، شعیب اختر، عبدالرزاق اور وسیم اکرم بھی اپنی اہلیہ کے ہمراہ سوئٹزر لینڈ پہنچ چکے ہیں۔

دوسری جانب وریندر سہواگ، جے وردھنے، لسیتھ ملنگا، جاک کیلس، گرانٹ ایلیٹ برینڈن میکلم، دلشان اور مائیک ہسی سمیت دیگر عالمی ستارے بھی وہاں موجود ہیں۔

واضح رہے کہ اسٹار کرکٹرز نے تفریحی مقام پر پہنچتے ہی سوشل میڈیا پراپنی پریکٹس کی ویڈیو اور تصاویر بھی جاری کردی ہیں۔