انٹر سکول ایج گروپ سوئمنگ چیمپئن شپ 29ستمبر کو ہوگی

لاہور(سپورٹس لنک رپورٹ)ڈائریکٹر جنرل سپورٹس پنجاب محمد عامر جان کی ہدایت پر سپورٹس بورڈ پنجاب کے زیراہتمام انٹر سکول ایج گروپ سوئمنگ چیمپئن شپ 29ستمبر کو پنجاب انٹرنیشنل سوئمنگ کمپلیکس میں منعقد ہوگی، چیمپئن شپ میں سکولوں کے طلبہ وطالبات حصہ لیں گے، چیمپئن شپ میں حصہ لینے کیلئے رجسٹریشن 28ستمبر کو پنجاب انٹرنیشنل سوئمنگ کمپلیکس میں کرائی جاسکتی ہے، سکولوں کے طلبہ و طالبات کو چیمپئن شپ میں حصہ لینے کیلئے دعوت نامے بھیج دیئے گئے ہیں، چیمپئن شپ میں انڈر 6، انڈر،8 انڈر10، انڈر12 ،انڈر14 ،انڈر16 اور انڈر18کے50اور 200میٹر کے بیک سٹروک، بٹرفلائی، بریسٹ سٹروک، کک بورڈ ریس اور فری سٹائل کے مقابلے ہوں گے۔ چیمپئن شپ میں حصہ لینے والے سوئمرز کو ہدایت کی گئی ہے کہ وہ رجسٹریشن کے لئے ب فارم کے ساتھ 2عدد تصاویر ہمراہ لائیں، ب فارم کے بغیر سوئمرز کی رجسٹریشن نہیں ہوگی۔