زمبابوین کرکٹ ٹیم 19اکتوبر سے دورہ بنگلہ دیش کا آغاز کرے گی

ڈھاکہ(سپورٹس لنک رپورٹ) زمبابوین کرکٹ ٹیم 19 اکتوبر کو ٹور ون ڈے میچ سے دورہ بنگلہ دیش کا آغاز کرے گی۔ زمبابوین ٹیم کو دورہ جنوبی افریقہ میں بدترین شکست کے بعد اب بنگلہ دیش کے خلاف شیڈول ون ڈے اور ٹیسٹ سیریز جیتنے کا چیلنج درپیش ہو گا۔ زمبابوین ٹیم دورے کے دوران میزبان ٹیم کے خلاف تین ون ڈے اور دو ٹیسٹ میچوں کی سیریز کھیلے گی، دونوں ٹیموں کے درمیان پہلا ون ڈے 21 اکتوبر، دوسرا ون ڈے 24 اکتوبر جبکہ تیسرا اور آخری ون ڈے 26 اکتوبر کو کھیلا جائے گا۔ اس کے بعد زمبابوین ٹیم ٹیسٹ سیریز سے قبل 29 سے 31 اکتوبر تک تین روزہ پریکٹس میچ کھیلے گی، زمبابوے اور بنگلہ دیش کے درمیان پہلا ٹیسٹ 3 سے 7 نومبر جبکہ دوسرا اور آخری ٹیسٹ 11 سے 15 نومبر تک کھیلا جائے گا۔