پریمئر سپر لیگ ،ڈیسکون اور ہنڈا کی ٹیموں کی کامیابی

لاہور( سپورٹس لنک رپورٹ ) کارپوریٹ سیکٹر کی ٹیموں کے درمیان کھیلے جانے والی پریمئر سپر لیگ کے میچوں میں ڈیسکون اور ہنڈا نے کامیابی حاصل کر لی ۔ ٹورنامنٹ میں کارپوریٹ سیکٹر کی آٹھ ٹیمیں شریک ہیں جن کے درمیان لاہور کی مختلف گرائونڈز پر میچز کھیلے جائیں گے۔ ریس کورس کرکٹ گرائونڈ میں پریمئر سپر لیگ کے دوسرے ایڈیشن کا آغاز ہوا۔پہلے میچ میں ہنڈا نے تھری ڈی موڈلنگ کو 17 رنز سے شکست دی۔

ہنڈا نے پہلے کھیلتے ہوئے 2 وکٹوں کے نقصان پر 161 رنز بنائے جبکہ تھری ڈی موڈلنگ کی ٹیم مطلوبہ ہدف کے تعاقب میں 144 رنز بناسکی۔ فاتح ٹیم کے مظہر حسین نے 63 رنز کی اننگز کھیل کر ٹیم کی جیت میں اہم کردار ادا کیا اور مین آف دی میچ قرار پائے۔دوسرے میچ میں ڈیسکون اورآئی سی آئی پاکستان کی ٹیمیں مد مقابل تھیں جس میں ڈیسکون نے 79 رنز سے کامیابی حاصل کی ۔

ڈیسکون نے پہلے کھیلتے ہوئے 188 رنز بنائے جس کے جواب میں آئی سی آئی پاکستان کی ٹیم109 رنز پر ڈھیر ہوگئی۔ڈیسکون کے سید مجاہد علی نے 63 رنز کی ناقابل شکست اننگز کھیلی اور مین آف دی میچ قرار پائے۔