پاکستانی کرکٹ ٹیم ٹی 20 ورلڈ کپ سے باہر ہوگئی

پاکستان کرکٹ ٹیم ٹی20ورلڈ کپ سے باہر ہوگئی۔

امریکا اورآئرلینڈکامیچ بارش کے باعث منسوخ کردیا گیا،

امریکا اور آئرلینڈکو ایک ایک پوائنٹ دے دیا گیا۔

گروپ اےسے بھارت اورامریکاکی ٹیمیں سپر8مرحلےمیں پہنچ گئیں۔

 فلوریڈا میں ہونے والی بارش نے پاکستان کی سپر 8 مرحلے میں پہنچنے کی آخری اُمید پر پانی پھیر دیا۔

فلوریڈا میں ٹی ٹوئنٹی ورلڈ کپ کا 30 واں میچ امریکا اور آئر لینڈ کے درمیان کھیلا جانا تھا جو بارش کے باعث منسوخ ہو گیا اور دونوں ٹیموں کو میچ کا ایک ایک پوائنٹ دے دیا گیا۔

ایک پوائنٹ ملتے ہی امریکا کی ٹیم سپر ایٹ مرحلے میں پہنچ گئی جبکہ پاکستان کیلئے اگر مگر کے ساتھ سپر ایٹ مرحلے میں داخلے کے تمام راستے بند ہو گئے۔

گروپ اے میں سے بھارت اور امریکا کی ٹیموں نے سپر 8 مرحلے کے لیے کوالیفائی کر لیا ہے، پاکستانی ٹیم پہلی بار ٹی ٹوئنٹی ورلڈ کپ کے دوسرے مرحلے میں جگہ نہیں بنا سکی۔

پاکستانی ٹیم اپنا آخری گروپ میچ 16 جون کو آئر لینڈ کے خلاف کھیلے گی۔

پاکستانی ٹیم نے 2007 اور 2009 کے ٹی ٹوئنٹی ورلڈ کپ کے فائنل میں جگہ بنائی، 2010 اور 2012 کے ورلڈ کپ میں بھی پاکستان نے سیمی فائنل تک رسائی حاصل کی۔

2021 کے ٹی ٹوئنٹی ورلڈ کپ میں پاکستان نے سیمی فائنل اور 2022 کے ورلڈ کپ میں فائنل میں جگہ بنائی