پاکستان فٹبال کی تاریخ میں پہلی بار قومی بوائز ٹیم کے ساتھ خاتون منیجر کو تعینات کر دیا گیا۔
پاکستان فٹ بال فیڈریشن (پی ایف ایف) نے عروج سہیل بٹ کو پاکستان انڈر 17 فٹبال ٹیم کا منیجر مقرر کیا ہے ، عروج سہیل بٹ پی ایف ایف میں بطور سیف گارڈنگ آفیسر کام کر رہی ہیں۔
عروج سہیل فیفا اور اے ایف سی کی سند یافتہ سیف گارڈنگ آفیسر ہیں ، پی ایف ایف نے یہ قدم فیفا کی ہر کسی کو یکساں مواقع دینے کی پالیسی کے تحت اٹھایا ہے۔
واضح رہے کہ پاکستان انڈر 17 فٹبال ٹیم اس سال ساف چیمپئن شپ اور ایشین کوالیفائیر میں حصہ لے گی.
