ایشین ایم ایم اے چیمپئن شپ2025 – محمد ثاقب نے U18 کیٹیگری میں سلور میڈل جیتا
ایشین ایم ایم اے چیمپئن شپ2025 ; محمد ثاقب نے U18 کیٹیگری میں سلور میڈل جیتا
کراچی: 30 اگست 2025 ; ٹیم پاکستان نے AMMA ایشین مکسڈ مارشل آرٹس چیمپئن شپ 2025 منامہ، بحرین میں شاندار کارکردگی کا مظاہرہ کیا، جہاں کھلاڑیوں نے اپنی بہترین مہارت، عزم اور کھیل کے جذبے کے ساتھ ایشیا کے بڑے اسٹیج پر سب کو متاثر کیا۔
چیمپئن شپ کے آخری روز پاکستان کے محمد ثاقب نے مینز U18 – 55 کلوگرام کیٹیگری میں سلور میڈل جیت کر پاکستان کا نام ایک بار پھر ایشین مارشل آرٹس میں روشن کیا۔
یہ کامیابی اس لیے بھی تاریخی ہے کہ ثاقب نے گزشتہ سال اسی کیٹیگری میں ورلڈ چیمپئن 2024 بن کر شہرت حاصل کی تھی۔ ان کا عالمی سطح سے ایشیائی سطح پر سفر مزید سخت محنت، نظم و ضبط اور توجہ کا متقاضی تھا — اور ان کا یہ گولڈ میڈل ان کی لگن، ترقی اور بڑھتے ہوئے بین الاقوامی مقام کا واضح ثبوت ہے۔
دیگر نمایاں کارکردگیاں ;
• محمد عمر – سلور میڈل (مینز U16 – 60 کلوگرام کیٹیگری)
• امین اللہ – برونز میڈل (مینز U18 – 60 کلوگرام کیٹیگری)
مجموعی طور پر، ٹیم پاکستان نے 3 میڈلز حاصل کیے: 1 گولڈ اور 2 سلور، جبکہ مقابلے میں 19 ممالک کے 150 سے زائد کھلاڑیوں نے حصہ لیا۔
جناب ذوالفقار علی، صدر – پاکستان مکسڈ مارشل آرٹس فیڈریشن (PMMAF) نے ٹیم کی کامیابی پر اظہارِ فخر کیا:
“یہ میڈلز محض فتوحات نہیں بلکہ اس بات کا ثبوت ہیں کہ پاکستانی ایم ایم اے ایتھلیٹس دنیا کے معیار کے برابر ہیں۔ ہمیں اپنے فائٹرز، کوچز اور سپورٹ اسٹاف پر بے حد فخر ہے جن کی انتھک محنت اور پاکستان اولمپک ایسوسی ایشن (POA) کی قیمتی سپورٹ کے بغیر یہ ممکن نہ تھا۔”
انھوں نے مذید کہا ;
“یہ چیمپئن شپ پاکستان میں ایم ایم اے کے عروج کا ایک فیصلہ کن لمحہ ہے۔ ہمارے نوجوانوں کا حوصلہ، محنت اور صلاحیت واقعی قابلِ تعریف ہے۔ گزشتہ پانچ برسوں سے پاکستان نے عالمی سطح پر شاندار رینکنگ قائم رکھی ہے، اور ہم اس کھیل کو مزید بلندیوں تک لے جانے کے لیے پرعزم ہیں۔”
پاکستان مکسڈ مارشل آرٹس فیڈریشن (PMMAF) مارشل آرٹس میں اعلیٰ کارکردگی، شمولیت اور بین الاقوامی مسابقت کے فروغ کے لیے پرعزم ہے، اور قوم کے لیے فخر و کامیابی کی ایک دیرپا روایت قائم کر رہی ہے۔
