سندھ گرین نے پہلی کے پی ٹی بین الصوبائی انڈر 22 مین باکسنگ چیمپیئن شپ جیت لی۔
اختتامی تقریب کے مہمان خصوصی سیکرٹری اسپورٹس،
اینڈ یوتھ افیئر، منور علی مہیسر نے کامیاب باکسرز کو انعامات تقسیم کیے۔ سیکرٹری عبدالرزاق ۔
کراچی (سپورٹس لنک رپورٹ) سیکرٹری اسپورٹس، اینڈ یوتھ افیئر، گورنمنٹ آف سندھ، منور علی مہیسر نے کہا کہ ان کا ادارہ ایسی تمام سرگرمیوں کی سر پرستی کرے گی۔
جس میں نوجوانوں کو ذہنی و معاشرتی طور پر مثبت سرگرمیوں کے مواقع ملین۔ وہ کے پی ٹی اسپورٹس کمپلیکس میں سندھ باکسنگ ایسوسی ایشن کے زہر اہتمام پہلی کے پی ٹی بین الصوبائی انڈر 22 باکسنگ چیمپیئن شپ کے اختتامی تقریب میں تقسیم انعامات کے موقع پر خطاب کررہے تھے
اور انہوں نے مزید کہا کہ اس چیمپین شپ میں چاروں صوبوں کے علاوہ اسلام آباد اور آزاد جموں کشمیر کے کھلاڑیوں کی شرکت نے اس چیمپین شپ کو چار چاند لگا دیے۔
اس موقعے پر سندھ اولمپک ایسوسی ایشن کے سیکرٹری جنرل احمد علی راجپوت، سندھ باکسنگ ایسوسی ایشن کے صدر محمّد اصغر بلوچ، سیکشن آفسر جنرل علی ڈنو گوپاگ،
انجینیئر محفوظ الحق، غلام یاسین، کشور زھرا، سیکرٹری سندھ باکسنگ ایسوسی ایشن عبدالرزاق، عابد بروہی، ٹیکنیکل ڈیلی گیٹ محمد یونس پٹھان اور میڈیا کوارڈینیٹر کاشف احمد فاروقی بھی موجود تھے۔
سندھ گرین نے مین کلاس میں چار گولڈ میڈلز لے کر پہلی اور بلوچستان نے ایک گولڈ اور تین سلور میڈلز حاصل کرکے دوسری پوزیشن حاصل کی اور وومن کلاس میں پنجاب نے دو گولڈ میڈلز لے کر پہلی اور سندھ گرین ایک گولڈ میڈل لے کر دوسری پوزیشن پر قبصہ جمالیا۔
