پی سی بی نے پاکستان، سری لنکا اور افغانستان کی ٹرائی سیریز کا اعلان کر دیا

پی سی بی نے پاکستان، سری لنکا اور افغانستان کی ٹرائی سیریز کا اعلان کر دیا

پاکستان پہلی بار ٹی ٹوئنٹی ٹرائی سیریز کی میزبانی کرے گا۔

تفصیلات کے مطابق پاکستان پہلی بار سہ فریقی ٹی ٹوئنٹی سیریز کی میزبانی کرے گا جو 17 تا 29 نومبر راولپنڈی اور لاہور میں کھیلی جائے گی۔

سہ فریقی سیریز میں پاکستان، افغانستان اور سری لنکا کی ٹیمیں مدمقابل آئیں گی۔

سیریز کا پہلا میچ 17 نومبر کو پاکستان اور افغانستان کے درمیان راولپنڈی میں کھیلا جائے گا۔ 19 نومبر کو سری لنکا اور افغانستان کا میچ بھی راولپنڈی میں شیڈول ہے۔

یہ افغانستان کا پاکستان میں پہلا ٹی ٹوئنٹی انٹرنیشنل میچ ہوگا۔

29 نومبر کو فائنل سمیت سیریز کے باقی تمام میچز لاہور کے قذافی اسٹیڈیم میں کھیلے جائیں گے۔

سمیر احمد سید چیف اپریٹنگ آفیسر پی سی بی نے کہا ھے کہ یہ ٹرائی سیریز ٹی ٹونٹی ورلڈ کپ کی تیاری کا بہترین موقع ہے