قومی رینکنگ ٹینس چیمپئن شپ: احتشام ہمایوں، حسان شوکت اور اسد زمان کی فتوحات
لاہور: ساہیوال کلب میں آل پاکستان جونیئرز/سینیئرز نیشنل رینکنگ ٹینس چیمپئن شپ 2026 پوری آب و تاب کے ساتھ جاری ہے۔ جمعرات کے روز ہونے والے مقابلوں میں کھلاڑیوں نے مینز سنگلز، ڈبلز، سینیئرز ایونٹس اور جونیئر ایج-گروپ سمیت مختلف کیٹیگریز میں شاندار کارکردگی کا مظاہرہ کیا۔
مینز سنگلز اور ڈبلز مقابلے:
مینز سنگلز کے پری کوارٹر فائنل میں ٹاپ کھلاڑیوں نے آسانی سے اگلے مرحلے کے لیے کوالیفائی کر لیا۔ حسان شوکت نے عطا ربی کو 1-6، 1-6 سے جبکہ احتشام ہمایوں نے ذاکر اللہ کو 2-6، 2-6 سے شکست دی۔
سلیمان جنید نے وقار احمد کو 0-6، 1-6 سے آؤٹ کلاس کیا اور عمران بھٹی نے ڈاکٹر علی نواز کے خلاف 0-6، 1-6 سے یکطرفہ فتح حاصل کی۔ اسد زمان نے محمد زبیر کو 2-6، 3-6 سے شکست دی،
جبکہ محمد یحییٰ نے محمد سبحان کو 1-6، 1-6 سے ہرا دیا۔ اس راؤنڈ کے سب سے کانٹے دار مقابلے میں مظہر نے عبدالباست کو 3-6، 6-4 اور 8-10 سے شکست دی۔
مینز ڈبلز کے پری کوارٹر فائنل میں بھی یکطرفہ کامیابیاں دیکھنے کو ملیں۔ ابوبکر طلحہ اور طلحہ وحید نے انس خان اور الیاس خان کو 0-6، 0-6 سے وائٹ واش کیا۔
حمزہ نعیم اور عمران بھٹی نے شاندار واپسی کرتے ہوئے ہارون مسعود اور حذیفہ آصف کو 7-5، 4-6 اور 7-10 سے ہرایا۔ عبدالباست اور وقار احمد نے محمد سبحان اور ایم سواتی کو 2-6، 3-6 سے شکست دی، جبکہ احتشام ہمایوں اور اسد زمان نے رضوان اور حسنین کو 1-6، 1-6 سے آؤٹ کلاس کیا۔
سینیئرز (45+ اور 55+) مقابلے:
سینیئرز 45 پلس ڈبلز کے پری کوارٹر فائنل میں یوسف خان اور نذیر احمد نے منیر اور وجاہت کو 1-6، 2-6 سے شکست دی۔ بلال احمد کہلو اور معید ظفر ڈوگر نے ساجد بخاری اور چوہدری خلیل کو 3-6، 2-6 سے ہرایا، جبکہ راشد اور رضوان نے ایک سخت مقابلے کے بعد خرم امتیاز اور فیاض نذیر کو 6-4، 6-7 اور 5-10 سے زیر کیا۔
سینیئرز 55 پلس ڈبلز کے کوارٹر فائنل میں راشد ملک اور عارف فیروز نے آصف مسعود اور رانا رؤف پر 1-6، 1-6 سے برتری حاصل کی۔ میاں نوید اور تنویر ہرل نے سید اظہر اور مزمل ستار کو 3-6، 2-6 سے شکست دی، جبکہ خرم امتیاز اور فیاض نذیر نے شیخ نوید اور ڈاکٹر مائیکل انصاری کو 4-6، 0-6 سے آؤٹ کلاس کیا۔
بوائز جونیئر مقابلے (انڈر 18، 14، 12 اور 10): بوائز انڈر 18 کے کوارٹر فائنل میں احتشام ہمایوں نے علیان علی کو 2-6، 2-6 سے، محمد یحییٰ نے محمد معاذ کو 2-6، 0-6 سے شکست دی، جبکہ عبدالباست نے حسیب مصطفیٰ کو 0-6، 0-6 سے کلین سویپ کیا۔
بوائز انڈر 14 کے کوارٹر فائنلز میں کئی یکطرفہ مقابلے دیکھنے کو ملے۔ محمد معاذ نے حشام شیر چدھڑ کو 0-4، 0-4 سے، جبکہ محمد ابراہیم حسین گل نے علیان علی کو 1-4، 3-5 سے شکست دی۔ محمد ایان نے بہروز میمن کو 0-4، 0-4 سے آؤٹ کلاس کیا، اور شایان آفریدی نے پہلا سیٹ ہارنے کے بعد شاندار واپسی کرتے ہوئے راشد علی بچانی کو 4-2، 1-4، 0-4 سے ہرایا۔
بوائز انڈر 12 کے پری کوارٹر فائنل میں محمد ایان نے اصفہان میمن کو 0-4، 0-4 سے، ماجد علی بچانی نے مصطفیٰ ضیاء کو 0-4، 1-4 سے اور اشتر عالم نے روحان ڈوگر کو 0-4، 0-4 سے شکست دی۔
بہروز میمن نے ریان عمر خلیل کو 2-4، 2-4 سے ہرایا، جبکہ محمد فیضان نے سلمان پیرزادہ کے خلاف 2-4، 4-1، 3-5 سے کامیابی حاصل کی۔ محمد دانیال نے ولی محمد حسان کو 1-4، 1-4 سے، مصطفیٰ عزیر رانا نے موسیٰ خان کو 0-4، 0-4 سے شکست دی، اور محمد ابراہیم حسین گل نے زبردست واپسی کرتے ہوئے سالار خان کو 4-2، 1-4، 0-4 سے زیر کیا۔
بوائز/گرلز انڈر 10 کے پہلے راؤنڈ میں سب سے کم عمر کھلاڑیوں کی جانب سے حوصلہ افزا کارکردگی دیکھنے کو ملی۔ اصفہان میمن نے فیض پیرزادہ کو 1-6 سے، حاشر مصطفیٰ نے موسیٰ خان کو 3-6 سے، ایمان شہباز نے حنین بھٹی کو 0-6 سے شکست دی، اور موسیٰ پیرزادہ نے علی اصغر لغاری پر 0-6 سے فتح حاصل کی۔
گرلز جونیئر مقابلے (انڈر 12، 14 اور 18): گرلز انڈر 12 کے کوارٹر فائنل میں شہرین عمر نے وجیہہ فاطمہ کو 2-4، 2-4 سے، جبکہ فاطمہ نقوی نے انابیہ احمد کو 1-4، 2-4 سے شکست دی۔
گرلز انڈر 14 کے کوارٹر فائنل میں علیزے مریم نے شاہنور عمر کو 0-4، 4-5 سے شکست دی۔ عنایہ خان نے شہرین عمر کو 5-4، 1-4، 1-4 سے ہرایا، جبکہ ایمان شہباز نے وجیہہ فاطمہ کو 1-4، 2-4 سے شکست دی۔
گرلز انڈر 18 کے کوارٹر فائنل میں علیزے مریم نے اپنی شاندار کارکردگی کا سلسلہ جاری رکھتے ہوئے شاہنور عمر کو 4-6، 3-6 سے شکست دی، جبکہ خدیجہ خلیل نے مریم نقوی کو آسانی سے 1-6، 1-6 سے ہرا دیا۔
