بھارت، ویسٹ انڈیز ٹی ٹوئنٹی سیریز میں چھکوں کی برسات، نیا عالمی ریکارڈ قائم
نئی دہلی: بھارت اور ویسٹ انڈیز کے درمیان جاری ٹی ٹوئنٹی انٹرنیشنل سیریز میں بیٹرز کی جارحانہ بیٹنگ نے کرکٹ شائقین کو حیران کر دیا جہاں صرف چار میچز میں 98 چھکے لگائے گئے۔
بھارتی اخبار انڈین ایکسپریس کے مطابق دونوں ٹیموں نے محض 918 گیندوں پر یہ کارنامہ انجام دے کر مردوں کی ٹی ٹوئنٹی انٹرنیشنل کرکٹ کی تاریخ کی تیز ترین رن بنانے والی دوطرفہ سیریز کا ریکارڈ قائم کیا۔
بھارت اور ویسٹ انڈیز کے درمیان جاری پانچ میچوں کی ٹی ٹوئنٹی سیریز محض ایک مقابلہ نہیں بلکہ چھکوں کا طوفان بن گئی ہے۔ دونوں ٹیموں نے اس سیریز میں عالمی ریکارڈز کی بارش کر دی۔
تفصیلات کے مطابق سیریز کے پہلے چار میچوں میں ہی 918 گیندوں پر 98 چھکے لگ چکے ہیں۔ یہ مینز ٹی ٹوئنٹی انٹرنیشنل کی تاریخ میں سب سے تیز ترین اسکورنگ کرنے والی بائی لیٹرل سیریز بن گئی ہے۔ 20 سال میں 4000 سے زائد میچز اور 550 سے زائد سیریز کے بعد بھی اتنی تیز رفتاری سے رنز بنتے کبھی نہیں دیکھے گئے۔
اس سیریز میں ایک اور بڑا عالمی ریکارڈ بھی بنا۔ ویسٹ انڈیز ٹی ٹوئنٹی انٹرنیشنل کرکٹ میں 2000 چھکے لگانے والی دنیا کی پہلی ٹیم بن گئی، جبکہ بھارت نے حیدرآباد میں کھیلے گئے چوتھے میچ میں یہی سنگ میل عبور کر کے دوسری ٹیم بن گئی۔
تجزیہ کاروں کے مطابق آئی پی ایل کے اثر اور بھارتی پچز پر بلے باز اب ہر گیند پر چھکا لگانے کی کوشش کر رہے ہیں، جس سے بولرز کے لیے مشکلات میں بے پناہ اضافہ ہو گیا ہے۔
آخری میچ اتوار کو کھیلا جائے گا، جہاں مزید 22 چھکے لگنے پر 5 میچوں کی سیریز میں سب سے زیادہ چھکوں کا ریکارڈ بھی ٹوٹ جائے گا۔
صرف 4 میچوں میں دونوں ٹیموں نے 918 گیندوں پر 98 چھکے لگا دیے ہیں، جو مینز ٹی ٹوئنٹی انٹرنیشنل میں سب سے تیز اسکورنگ بائی لیٹرل سیریز بن گئی ہے۔
ویسٹ انڈیز نے 2026 میں ہی ٹی ٹوئنٹی میں 2000 چھکوں کا سنگ میل عبور کیا، وہ پہلی ٹیم بنی۔ بھارت نے اسی سیریز کے چوتھے میچ (حیدرآباد) میں سنجو سیمسن کے چھکے سے 2000 چھکے مکمل کر کے دوسری ٹیم بن گئی۔
اب ویسٹ انڈیز کے 2026 چھکے (259 میچز) اور بھارت کے 2010 چھکے (297 میچز) ہیں۔اگر آخری میچ میں 23 چھکے اور لگ گئے تو یہ سیریز انگلینڈ-ویسٹ انڈیز 2023 والی 120 چھکوں والی سیریز کا ریکارڈ بھی توڑ دے گی۔
رانچی میں ویسٹ انڈیز نے بھارت کے 249 رنز کے جواب میں 252 رنز بنا کر حیران کن فتح حاصل کی۔
اندور میں بھارت نے 223 رنز بنا کر ویسٹ انڈیز کو 209 پر روک دیا۔
حیدرآباد میں ویسٹ انڈیز کے کپتان شائی ہوپ کی ناقابل شکست 102 رنز کی بدولت 247 رنز بنے اور بھارت 223 پر آل آؤٹ ہو کر سیریز 2-2 سے برابر ہو گئی۔
