کے ٹو سر کرنے والی نیپالی کوہ پیمائوں کی ٹیم کی آرمی چیف جنرل قمر جاوید باجوہ سے ملاقات

راولپنڈی (سپورٹس لنک رپورٹ)آرمی چیف جنرل قمر جاوید باجوہ سے تاریخ میں پہلی بار موسم سرما میں کے ٹو کی چوٹی سر کرنے والے نیپالی کوہ پیاؤں نے ملاقات کی۔آئی ایس پی آر کے مطابق جی ایچ کیو راولپنڈی میں ہونے والی ملاقات میں آرمی چیف نے کوہ پیماؤں کو ان کے عظیم کارنامے پر مبارک باد دی۔

وفد نے مہم کے دوران اپنے تجربات آرمی چیف سے شیئر کیے، وفد نے پاکستان اور پاکستانیوں کی جانب سے پرتپاک مہمان نوازی پر شکریہ ادا کیا اور ریکارڈ کو حاصل کرنے کے لیے مہم کو آسان بنانے پر اظہار تشکر کیا۔