راولپنڈی کرکٹ اسٹیڈیم میں "رسجا” کے زیر اہتمام پروقار تقریب کا انعقاد

رسجا کے زیر اہتمام راولپنڈی کرکٹ اسٹیڈیم میں پروقار تقریب کا انعقاد

راولپنڈی اسلام آباد سپورٹس جرنلسٹ ایسوسی ایشن (رسجا) زیر اہتمام راولپنڈی کرکٹ اسٹیڈیم میں پاکستان بنگلہ دیش ٹیسٹ سیریز کے دوران چائے کے وقفے کے دوران ایک پروقار تقریب کا انعقاد کیا گیا

جس میں بنگلہ دیش سے آئے ہوئے صحافی محمد اعصام اور کراچی کے سینئر سپورٹس جرنلسٹ سید وزیر علی قادری کی خدمات پر انہیں تعریفی ایوارڈ سے نوازا گیا

تقریب سے خطاب کرتے ہوئے بنگلہ دیشی صحافی محمد اعصام نے رسجا کا شکریہ ادا کرتے ہوئے اس عزم کا اعادہ کیا کہ سپورٹس جرنلسٹ دونوں ملکوں کے درمیان ایک مؤثر رابطے کا بہترین ذریعہ ہیں

کراچی سے آئے ہوئے سینئر سپورٹس جرنلسٹ سید وزیر علی قادری نے کہا کہ رسجا حقیقی معنوں میں سپورٹس جرنلسٹس کی حقیقی نمائندہ تنظیم ہے

اس موقع پاکستان کرکٹ بورڈ کے سینئر پی آر او شکیل خان اور رسجا کے چیرمین شکیل اعوان نے دونوں سپورٹس

جرنلسٹ کو ایوارڈ دئیے تقریب سے رسجا کے صدر ناصر اسلم راجہ اور سیکرٹری طاہر نصیر ملک نے حاضرین کا شکریہ ادا کیا