زمبابوے کیخلاف دوسرے ٹی 20 کیلئے پاکستانی ٹیم کا اعلان

زمبابوے کیخلاف دوسرے ٹی 20 کیلئے قومی ٹیم کا اعلان

زمبابوے کے خلاف 3 ٹی ٹوئنٹی میچز کی سیریز کے دوسرے میچ کیلئے پاکستان ٹیم کا اعلان کر دیا گیا۔

دوسرے ٹی ٹوئنٹی کے لیے پاکستان ٹیم میں کوئی تبدیلی نہیں کی گئی، پہلے میچ میں شامل کھلاڑی ہی دوسرا میچ کھیلیں گے۔

پاکستان ٹیم میں کپتان سلمان آغا، صائم ایوب، عمیربن یوسف، عثمان خان، طیب طاہر، عرفان خان، جہانداد خان، عباس آفریدی، حارث رؤف، ابرار احمد اور سفیان مقیم شامل ہیں۔

یاد رہے کہ قومی کرکٹ ٹیم نے اتوار کو پہلے ٹی20 میچ میں زمبابوے کو 57 رنز سے شکست دی تھی۔

پاکستان اور زمبابوے کے درمیان ٹی20 سیریز کا دوسرا میچ کل کھیلا جائےگا، قومی ٹیم کو 3 میچوں کی سیریز میں 0-1 کی برتری حاصل ہے۔

اس سے قبل قومی ٹیم نے 3 ایک روزہ میچوں کی سیریز 1-2 سے اپنے نام کی تھی۔