نیشنل گیمز:پاکستان آرمی کی سونے کے ذخائر کی جانب پیش قدمی جاری ،20گولڈ میڈلز جیت لئے

نیشنل گیمز:پاکستان آرمی کی سونے کے ذخائر کی جانب پیش قدمی جاری،

20گولڈ میڈلز جیت لئے

پاکستان نیوی سات گولڈمیڈلز کے ساتھ دوسری اور

پاکستان ائر فورس چار گولڈ میڈلز کے ساتھ تیسری پوزیشن پر موجود

کراچی (سپورٹس لنک رپورٹ) پاکستان آرمی نے 35 ویں نیشنل گیمزکے چوتھے روز 20گولڈ میڈلز کے ساتھ پوائنٹس ٹیبل پر اپنی برتری کو مستحکم کرلیا جبکہ پاکستان نیوی سات گولڈ میڈلز کے ساتھ دوسری پوزیشن پر موجود ہے۔

تائی کوانڈو مقابلوں میں آرمی کے کھلاڑیوں نے 9گولڈ میڈلز جیتے۔نیشنل گیمز کے چوتھے روز میڈلز ٹیبل پرپاکستان آرمی20گولڈ، 6سلور اور تین برانز میڈلز کے ساتھ سر فہرست ہے۔

پاکستان نیوی سات گولڈ،8سلور اور9 برانز میڈلز کے ساتھ دوسری، پاکستان ائر فورس چار گولڈ،چھ سلور اور چار برانز میڈلز کے ساتھ تیسری اور کے پی دو گولڈ،دو سلور او رچار برانز میڈلز کے ساتھ چوتھی پوزیشن پر موجود ہے۔

پاکستان واپڈا نے ایک گولڈ،دو سلور اور چار برانز،ایچ ا ی سی نے ایک گولڈ،تین سلور اور تین برانز،سندھ نے ایک گولڈ،ایک سلور اور چھ برانز، بلوچستان نے دو سلور اور دو برانز،پاکستان پولیس نے دو برانز، پاکستان ریلوے نے دو برانز،آزاد جموں کشمیر اور گلگت بلتستان نے ایک ایک برانز میڈل حاصل کیا ہے۔

گزشتہ روز سیلنگ مقابلوں میں پاکستان ائر فورس نے چار گولڈ اور دو سلورمیڈلز کے ساتھ برتری حاصل کر لی،پاکستان نیوی نے دو گولڈ،دو سلور اور ایک برانز،کے پی نے ایک گولڈ،دو سلور اور ایک برانز،پنجاب نے ایک سلور اور آزاد جموں کشمیر نے ایک برانز میڈل حاصل کیا۔

تائی کوانڈو میں پاکستان آرمی نے 9گولڈ میڈلز کے ساتھ برتر ثابت کی۔پاکستان ائر فورس نے دو سلور اور دوبرانز،ایچ ای سی نے ایک گولڈ اور دو سلور میڈلز،

پنجاب نے تین سلور اور پانچ برانز میڈلز،سندھ نے ایک سلور اور ایک برانز،کے پی نے تین برانز،بلوچستان نے ایک سلور،پولیس اور ریلوے نے دوبرانز جبکہ گلگت بلتستان نے ایک برانزمیڈل حاصل کیا۔

جوڈو ایونٹ میں پاکستان آرمی نے تین گولڈ اور ایک برانز میڈل جیتا جبکہ واپڈا اور کے پی نے ایک ایک گولڈ میڈلز کے ساتھ اپنی موجودگی کا احساس دلایا۔

اسکواش ٹیم ایونٹ مردوں کے مقابلوں میں پی اے ایف نے ایچ ای سی کو 3-0سے،کے پی نے سندھ کو2-1سے،واپڈا نے کے پی کو3-0سے،پول بی میں بلوچستان نے نیو ی کو3-0 سے،ریلوے نے آزاد جموں کشمیر کو3-0سے،آرمی نے پنجاب کو3-0 سے شکست دے دی۔

خواتین کے ٹیم ایونٹ میں پنجاب نے اسلام آباد کو3-0سے،آرمی نے ایچ ای سی کو3-0سے اور کے پی نے سندھ کو2-1سے شکست دی والی بال مقابلوں میں گزشتہ روز مردوں کے مقابلوں میں پاکستان آرمی نے سندھ کو3-0سے زیر کر کے فاتحانہ آغاز کیا،

اس کی جیت کا اسکور 25-14،25-10اور25-10رہا۔دوسرے میچ میں پاکستان ائر فورس نے اسلام آباد کو 3-0سے زیر کیا۔فاتح ٹیم نے 25-21،25-11اور25-13سے فتح کو گلے لگایا۔نیوی نے پولیس کو3-0سے مات دی۔فتح کا اسکور 25-11،25-19اور25-15رہا۔