جاپان میں 20ویں ایشین گیمز کا باقاعدہ آغاز، 45 ممالک کے 11 ہزار سے زائد ایتھلیٹس شریک
ناگویا: جاپان کے شہر ناگویا میں 20ویں ایشین گیمز کا باقاعدہ آغاز ہوگیا، جس میں ایشیا کے مختلف ممالک کے دستوں نے شرکت کی۔
ایشین گیمز 19 ستمبر سے 4 اکتوبر تک جاری رہیں گے جن میں 45 ممالک کے 11 ہزار سے زائد ایتھلیٹس 43 کھیلوں کے 469 مقابلوں میں حصہ لیں گے جبکہ مجموعی طور پر 1407 تمغے کھلاڑیوں میں تقسیم ہوں گے۔
ایشین گیمز افتتاحی تقریب پالوما میزہو اسٹیڈیم میں منعقد کی گئی
جس میں شریک ممالک کے قومی پرچم لہرائے گئے،افتتاحی تقریب میں جاپان کے شہنشاہ سمیت اہم شخصیات نے شرکت کی، تقریب کا مرکزی موضوع ”امیجائن ون ایشیا“ رکھا گیا۔
تقریب کے بعد مختلف ممالک کے دستوں نے مارچ پاسٹ کیا، افغانستان نے سب سے پہلے میدان میں قدم رکھا جبکہ جاپان، سعودی عرب، بحرین، قطر، بھارت، پاکستان، سری لنکا اور فلسطین سمیت دیگر ممالک کے دستے بھی شریک ہوئے۔
