ایشین گیمز: پاکستان نے ازبکستان کو 1-5 سے شکست دے دی
20ویں ایشین گیمز آئچی ناگویا 2026 کے مینز کے ہاکی ٹورنامنٹ میں پاکستان ہاکی ٹیم نے شاندار کارکردگی کا مظاہرہ کرتے ہوئے ازبکستان کو 1 کے مقابلے میں 5 گول سے شکست دے کر ٹورنامنٹ کا دوسرا میچ جیت لیا۔
18ویں منٹ میں پاکستان کے محمد عماد نے بہترین فیلڈ گول کر کے ٹیم کو 0-1 کی برتری دلائی۔ 30ویں منٹ میں ازبکستان کے سلیم جونوف شوخ رخ بیگ نے پینلٹی کارنر کے ذریعے گول کر کے مقابلہ 1-1 سے برابر کر دیا۔
33ویں منٹ میں پاکستان کے سفیان خان نے پینلٹی کارنر کو گول میں بدل کر پاکستان کو 1-2 سے آگے کر دیا۔ 40ویں منٹ میں عبد الرحمٰن نے پینلٹی کارنر پر گول اسکور کر کے برتری 1-3 کر دی۔
45ویں منٹ میں ابوبکر محمود نے پینلٹی اسٹروک پر کامیابی سے گول کر کے اسکور 1-4 کر دیا۔ 57ویں منٹ میں سفیان خان نے میچ میں اپنا دوسرا اور ٹیم کا پانچواں گول پینلٹی کارنر کے ذریعے اسکور کر کے پاکستان کی 1-5 سے فتح یقینی بنا دی۔
پاکستان ہاکی فیڈریشن کے صدر محی الدین احمد وانی نے قومی ٹیم کی اس شاندار فتح پر کھلاڑیوں اور آفیشلز کو مبارکباد پیش کی ہے اور امید ظاہر کی ہے کہ ٹیم آگے بھی اسی تسلسل کو برقرار رکھے گی
