ایشین ٹیم ایونٹ اور سکس ریڈ سنوکر چیمپئن شپ کیلئے قومی ٹیم کا اعلان

اسلام آباد(سپورٹس لنک رپورٹ) پاکستان بلیئرڈ اینڈ سنوکر ایسوسی ایشن نے آئندہ ماہ قطر میں شیڈول چھٹی ایشین ٹیم ایونٹ اور ساتویں سکس ریڈ سنوکر چمپئن شپ کیلئے ٹیم کا اعلان کر دیا، ایونٹ 19 سے 25 ستمبر تک کھیلا جائے گا جس میں محمد آصف، بابر مسیح، محمد ماجد علی اور محمد بلال ملک کی نمائندگی کریں گے۔پی بی ایس اے کی طرف سے جاری کردہ تفصیلات کے مطابق دسویں قومی سنوکر چمپئن شپ کے بعد تازہ ترین رینکنگ کے تحت میگا ایونٹس کیلئے کیوئسٹس کا چنائو کیا گیا ہے، محمد آصف، بابر مسیح، محمد ماجد علی اور محمد بلال پر مشتمل چار رکنی ٹیم ایشین ایونٹس میں پاکستان کی نمائندگی کریں گے، چاروں کیوئسٹ باصلاحیت اور تجربہ کار ہیں، امید ہے کہ وہ ایونٹ میں عمدہ کارکردگی کا مظاہرہ کر کے بہترین نتائج دیں گے۔