سوشل میڈیا پر لانگ جمپ سے شہرت پانے والے محمد آصف کو اب پاکستان آرمی ٹرننگ دیگی

اسلام آباد(سپورٹس لنک رپورٹ)ٹک ٹاک سے مشہور ہونے والے لانگ جمپر محمد آصف کو پاک فوج تربیت دے گی۔اس حوالے سے صدر ایتھلیٹکس فیڈریشن آف پاکستان اکرم ساہی نے کہا کہ آرمی کے اتھلیٹکس کوچ محمد آصف کی ٹریننگ کریں گے۔میجرجنرل (ر) اکرم ساہی کا کہنا تھا کہ محمد آصف اب آرمی اتھلیٹکس ٹیم کو جوائن کریں گے۔

انھوں نے کہا کہ آرمی کے ساتھ ساتھ جہاں ضرورت ہوگی فیڈریشن آصف کے لیے اپنا کردار ادا کرے گی۔پاکستان ایتھلیٹکس فیڈریشن کے صدر میجر جنرل ریٹائرڈ اکرم ساہی کا کہنا ہے کہ پاک آرمی جیسے پروفیشنل ادارے کا محمد آصف کو ریکروٹ کرنا خوش آئندہے، آصف پاکستان اتھلیٹکس کا سرمایہ ثابت ہوگا۔

سہولیات سے محروم محمد آصف کی گیارہ موٹر سائیکلیں ایک ساتھ اور نہر پھلانگنے کی حیران کن ویڈیو سوشل میڈیا پر وائرل ہوئی تھی۔اس سے قبل ایتھلیٹکس فیڈریشن نے محمد آصف کو کراچی سے لاہور طلب کیا تھا۔