پاکستان انٹرنیشنل فٹبالر ایسوسی ایشن کے قیام کا اعلان

ایبٹ آباد.(سپورٹس لنک رپورٹ)پاکستان انٹرنیشنل فٹبالر ایسوسی ایشن کے قیام کا اعلان کر دیاگیا جس میں ،قومی اور سابق انٹرنیشنل فٹبال کھلاڑیوں پر مشتمل مشترکہ پلیٹ فارم تشکیل دیا جائے گا ،جس میں ملک کے چاروں صوبوں سے نمائندگی اور ممبر سازی کی جائے گی، منگل کے روز ایبٹ آباد پریس کلب میں پاکستان انٹرنیشنل فٹبالر ایسوسی ایشن کےقیام کےموقعہ پر سابق انٹرنیشنل کھلاڑی اور سنیر پولیس آفیسر ملک اعجاز گوگا کا کہنا تھا پاکستان فٹبال ایسوسی ایشن میں من مرضی کے لوگ مسلط کئے جانے کی وجہ جس سے کھلاڑیوں کے حقوق مسخ ہو رہے ہیں انہوں نے کہا کہ فٹبال کے کھیل میں زیادہ غریب لوگ ہوتے ہیں

اس کھیل کے فروغ کے لئے اقدامات اٹھانے کا عزم کیا ہے جس میں کھلاڑیوں کی فلاح وبہبود بھی ہو گی،فٹبال کے کھیل سے وابستہ کراچی سے تعلق رکھنے والے متعدد قومی کھلاڑی سرپرستی نہ ہونے کی وجہ سے سڑکوں پر بھیک مانگنے پر مجبور ہیں جو پاکستان فٹبال فیڈریشن کی بے حسی کا منہ بولتا ثبوت ہے ،انہوں نے کہا کہ ایسے حالات کو مدنظر رکھ کر ایسے مستحق کھلاڑیوں کی مالی مدد کرنے کے لئے ملک بھر کے مخیر حضرات سے اور اپنی مدد آپ کے تحت عطیات جمع کیے جاہیں گئے ،ملک اعجاز گوگا کا کہنا تھا دیگر ممالک میں کھلاڑیوں کی فلاح و بہبودکے لئے ایسوسی ایشن موجود ہیں جو ایسے تمام کھلاڑیوں کے مسائل کا تدارک کرتے ہیں ،بدقسمتی سے پاکستان میں فٹبال کے کھلاڑیوں کو نظر انداز کیا جاتا ہے کھلاڑیوں کا حق کوچز اور دیگر دبا لیتے ہیں اور اچھے اور بہترین کھلاڑیوں کا استحصال کیا جاتا ہے،اور یہ امر چاچا ماما کا سلسلہ ختم کرنے کی کوشش ابتدائی کوشش ہے،اس میں کوئی سیاسی عزائم نہیں ہے، فٹبال کی دنیا میں ہمارا ملک 204 نمبر پر پہنچ چکا ہے جو اس بدحالی کا بین ثبوت ہے،

انہوں نے کہا کہ ایسوسی ایشن کے 110ممبران ہیں جو اپنی حثیت کے مطابق ایسے کھلاڑیوں کو مالی معاونت کرینگے ہمارا جذبہ نیک اور اللہ کی رضا حاصل کرنا ہے،دباؤ برداشت نہ کرسکے تو نمائندگی کا حق چھوڑ دینگے۔اس موقع پر قومی ٹیم کے سابق کپتان تنویر احمد قومی ٹیم کے سابق کوچ ،محمد سلیم اعوان سابق انٹرنیشنل اور گولڈ میڈلسٹ کھلاڑیوں چوہدری افضل ،عبدالرحمن ،حاجی عبدالستار،خالد یوسف سابق کپتان،شوکت مفتی سابق کپتان،آصف خاکوانی،ارشد سابق کپتان،احمد ریحان،محمود خان ،ملک ریاض الحق،صغیر احمد کوچ،نعیم خالد’ محمد الیاس ،عمران نیازی،محمد جمشید انور اور دیگر بھی موجود تھے جنہوں نے فٹبال کے کھیل کی ترقی اور سابق قومی فٹبال کھلاڑیوں کی فلاح وبہبود کے لئے مکمل تعاون کا یقین دلایا: