فرنچ اوپن کا بڑا اپ سیٹ، فیورٹ ترین کھلاڑی سائمونا ہیلپ کو شکست

پیرس(سپورٹس لنک رپورٹ)جاری گرینڈ سلام ٹینس ٹورنامنٹ فرنچ اوپن میں ٹاپ سیڈ سائمونا ہیلپ کو اپ سیٹ شکست کا سامنا، چوتھے رائونڈ سے باہر، رومانیہ سے تعلق رکھنے والی سائمونا ہیلپ اس بار فرنچ اوپن جیتنے کیلئے فیورٹ ترین کھلاڑی تھیں تاہم حیران کن طور پر چوتھے رائونڈ میں انہیں پولینڈ کی نوجوان کھلاڑی ایگا سویٹیک نے چھ ایک اور چھ دو سے شکست دیکر بڑا اپ سیٹ کر ڈالا

اس کامیابی کے بعد ایگا سویٹیک پہلی بار کسی بھی گرینڈ سلام ٹینس ٹورنامنٹ کے کوارٹر فائنل تک پہنچ گئی ہیں جہاں اب ان کا مقابلہ اطالوی کھلاڑی مارٹینا ٹریویسن کے ساتھ ہوگا جنہوں نے ہالینڈ کی کھلاڑی ککی برٹنس کو چھ چار اور چھ چار سے شکست دیکر کوارٹر فائنل تک رسائی حاصل کی ہے۔