پہلے پاکستان ایتھلیٹس فورم کا انعقاد

لاہور(سپورٹس لنک رپورٹ)واپڈا سپورٹس کمپلیکس لاہور میں پہلے پاکستان ایتھلیٹس فورم کا انعقاد کیا گیا فورم کے پہلے دن تمام کھیلوں سے وابستہ 70 سے زائد کھلاڑیوں اور پاکستان اولمپک ایسوسی ایشن سے وابستہ تمام فیڈریشنز کے سیکریٹری جنرلز نے شرکت کی اس موقع پر انٹرنیشنل اولمپک کمیٹی کے صدر تھامس باخ (Thomas Bach) نے اپنے ویڈیو خطاب میں پاکستان میں اتھلیٹس فورم کے شرکاء کو خوش آمدید کہتے ہوئے کہا کہ ایتھلیٹس ہماری اولمپک فیملی کا دل ہیں جو معاشرے میں اعلی اقدارکوپروان چڑھاسکتے ہیں یہ فورم تمام اتھلیٹس کی آواز ہے پاکستانی اتھلیٹس نے کوویڈ میں اپنے عمل سے امید اور اعتماد کا پیغام دنیا کو دیا ہے کوویڈ 19- کے اس مشکل وقت میں ایک دوسرے کا احترام۔دوستی اور یکجہتی کے پیغام کو عام کرنا ہے

صدر آئی او سی تھامس باخ کامزید کہنا تھا کہ گزشتہ برس بین الاقوامی اتھلیٹس فورم کے دوران اتھلیٹس کے حقوق اور ذمہ داریوں کے لیے اولمپک تحریک میں اتھلیٹس کے کردار کو مزید مستحکم کرنے کے لیے یہ ایک تاریخی قدم اٹھایا گیا اولمپک تحریک میں ایتھلیٹس کے حقوق کو مزیدمستحکم بنانے کیلئے اقدامات کررہے ہیں پاکستان اولمپک ایسوسی ایشن نے اس فورم کو یقینی بنانے کے لیے بہت تعاون اورکام کیا جس پر پی او اے کومبارکبادپیش کرتاہوں پاکستان کے ایتھلیٹس نے کھیل سے یا زندگی میں درپیش چیلینجز کا سامنا کرنے کے لئے، پاکستان سے پوری دنیا میں اعتماد اور امید کا ایک پیغام بھجوایا ہے تقریب سے خطاب کرتے ہوئے چیئرمین پاکستان واپڈا لیفٹنٹ جنرل (ر) مزمل حسین نے کہا کہ کھلاڑی دراصل ہمارے اصل ایمبیسڈر ہیں ایتھلیٹس واحد کمیونٹی ہیں جو انفرادی اور اجتماعی طور پر دنیا میں یکجہتی قائم کرسکتے ہیں ہرایتھلیٹ کو اپنے حقوق اور ہراسمنٹ، ڈوپنگ اور انٹرنیشنل ٹریولنگ سمیت دیگر فرائض کا مکمل علم ہونا چاہیے اس لحاظ سے یہ فورم بہت اہمیت کا حامل ہے ایتھلیت کو ان پاور اور ایجوکیٹ کرنے لئے پی او اے نے نہایت اہم قدم اٹھایا ہے

اس سے یقینی طور پر ہمارے ایتھلیٹس کی کارکردگی میں بہتری آئے گی کھلاڑیوں کو پروفیسر ڈاکٹر اسٹیفن وسونگ کا ایک لیکچر پیش کیا گیا صدر کمیٹی انٹرنیشنل پیری ڈی کوبرٹن نے شرکاء کو اولمپک تحریک کی ابتداء اور مقاصد سے آگاہ کیا جس کا تصور جدید اولمپکس کے بیرن پیئر ڈی کوبرٹن فادر نے کیا تھا۔ ڈاکٹر وسونگ نے جدید اولمپکس کی یونانی نوادرات اور کھیلوں کی تعلیمی قدر کے کلیدی عنصر کے درمیان رابطے پر روشنی ڈالی جو پیری ڈی کوبرٹن کا وژن تھا اور جس طرح کوبرٹن نے اولمپک رول ماڈل پر زور دیا تھا فورم سے خطاب کرتے ہوئے پی او اے کے صدرلیفٹنٹ جنرل (ر) سیدعارف حسن کاکہنا تھا کہ اتھلیٹس کو بہتر ماحول دینے سے کارکردگی میں بہتری لائی جاسکتی ہے اور ہم اتھلیٹس کو درپیش مسائل کوو سمجھنے اور ان کے حل کے لیے یہاں اکٹھے ہوئے ہیں اس موقع پرکمیشن کے چئیرمین محمد انعام بٹ نے فورم کے اغراض و مقاصد پر روشنی ڈالی این او سی پاکستان کے ماہرین نے اس پروگرام ”ایتھلیٹس” کے قائد کو معلوماتی لیکچر پیش کیے ڈاکٹر اسد عباس شاہ نے کوویڈ۔19 کے خلاف لڑنے کیلئے مدافعتی نظام میں اضافہ کے دوران پروٹوکول آف اسپورٹس کے ساتھ حاضرین کو پیش کیا

انہوں نے کھلاڑیوں کو غذا کی ترجیحات سے آگاہ کیا کہ انہیں خود کو صحت مند اور تندرست رکھنا چاہئے اولمپین محترمہ روباب رضا کی والدہ، ڈاکٹر لبنا سبطین نے اولمپین کی تیاریاں کرنے کے اپنے تجربے اور یہ بتایا کہ وہ قومی کھیلوں سے ڈوپنگ کے خاتمے کے لئے کس طرح کام کر رہی ہیں۔ محترمہ سمیرا ستار، محمد انعام بٹ اور محترمہ عاصمہ اکرم پر مشتمل سابق اور موجودہ ایتھلیٹس کو ان کے حقوق، ان کے حقوق کے تحفظ کے بارے میں آگاہ کیا اس موقع پر کھلاڑیوں کے درمیان کوئز مقابلے بھی ہوئے فورم کی اختتامی تقریب اتوار کو ہوگی