پاکستان کراٹے فیڈریشن کے انتخابات مکمل ہوگئے

اسلام آباد(سپورٹس لنک رپورٹ)پاکستان کراٹے فیڈریشن کے انتخابات می آئندہ چار برس کے لئےمحمد جہانگیر کو چیئرمین، احمد بیگ کو صدر اور عندلیب سندھو کو سیکرٹری جنرل منتخب کرلیا گیاہے۔

پاکستان کراٹے فیڈریشن کی جنرل کونسل کی میٹنگ گذشتہ روز لاہور میں منعقد ہوئی جس میں پاکستان کراٹے فیڈریشن سے منسلک تمام ادارے پاکستان واپڈا، پاکستان آرمی، پاکستان ریلوے، پاکستان پولیس، بلوچستان، سندھ، پنجاب، کے پی اور اسلام آباد نے حصہ لیا

اجلاس میں اگلے چار سالوں کے لیےعہدیداروں کا انتخاب کیا گیا۔جس میں محمد جہانگیر چیئرمین، احمد بیگ صدر، عندلیب سندھو جنرل سیکریٹری اور خالد نور خزانچی منتخب ہوئے، اس کے علاؤہ سینئر نائب صدر نسیم قریشی، نائب صدور میں صباحت رفیق، میجر فیصل سلیم بٹ، فرمان احمد اور اعجاز الحق، لیڈی وائس پریزیڈنٹ ڈاکٹر قراۃ العین، ایسوسی ایٹ سیکرٹریز محمد ندیم اور بابر اقبال، لیڈی ایسوسی ایٹ سیکرٹری عظمیٰ اصغر منتخب ہو گئیں جبکہ ایگزیکٹو کمیٹی کے ممبران میں خورشید خان، عبدالحمید، عطاءحسین بٹ، ممتاز شاہ اور قراۃ العین شامل ہیں۔ قومی کراٹے ٹیم کے کوچ شاہ محمد شان نے نومنتخب عہدیداروں کو مبارکباد دیتے ہوئے امید ظاہر کی ہے کہ نومنتخب عہدیدار پہلے کی طرح کھیل کی ترقی کے لئے کام کریں گے۔